సీనియర్ నటుడు సురేష్ ఓ ఇంటర్వ్యూలో పలువురు ప్రముఖ నటులైన జూనియర్ ఎన్టీఆర్, రామ్ చరణ్, విజయ్లతో తన అనుభవాలను, వారి వ్యక్తిగత, వృత్తిపరమైన లక్షణాలపై తన అభిప్రాయాలను వెల్లడించారు. ఈ ఇంటర్వ్యూలో ఆయన ఒక నిజమైన హీరోకు ఉండాల్సిన లక్షణాలు తెలిపారు. తమిళ నటుడు విజయ్తో తన పరిచయాన్ని గుర్తుచేసుకుంటూ సురేష్ తన ప్రసంగాన్ని ప్రారంభించారు. “ఎవర్నైనా చూసి, అబ్బా ఏం హీరో అయ్యాడు అనిపించింది అంటే అది విజయ్. నేను చిన్నప్పుడే వాడిని ఎత్తుకున్నాను” అని సురేష్ అన్నారు. విజయ్ తండ్రి, ఎస్.ఏ.చంద్రశేఖర్తో కలిసి క్రికెట్ ఆడుతున్నప్పుడు విజయ్ చాలా చురుకైన పిల్లవాడని సురేష్ గుర్తుచేసుకున్నారు. పెద్దయ్యాక విజయ్ పెద్ద స్టార్ అయిన తర్వాత, తాను ఒకసారి ఎస్.ఏ.చంద్రశేఖర్కు, “మీ అబ్బాయి పెద్ద హీరో అయ్యాడు, అంతా మీ వల్లే” అని సరదాగా చెప్పిన విషయాన్ని పంచుకున్నారు.
జూనియర్ ఎన్టీఆర్తో జనతా గ్యారేజ్ చిత్రంలో సమంత తండ్రి పాత్రలో నటించిన అనుభవాన్ని సురేష్ వివరించారు. “తారక్తో అది నా మొదటి యాక్టింగ్ ఎక్స్పీరియన్స్” అని సురేష్ పేర్కొన్నారు. అంతకుముందు కొన్ని మీటింగ్లు, పార్టీలలో కలిసినప్పటికీ, కలిసి నటించినప్పుడు మాత్రమే ఒక నటుడి సామర్థ్యం తెలుస్తుందని ఆయన అభిప్రాయపడ్డారు. ఎన్టీఆర్ అద్భుతమైన నటుడని, “హి ఈజ్ ఏ వెరీ వెరీ కేపబుల్ యాక్టర్” అని ప్రశంసించారు. తారక్ సినిమాను లోతుగా అర్థం చేసుకోగలడని, ఒక డైలాగ్లో పంచ్ ఎక్కడ ఉంది, ఎంత చెప్పాలి, ఎప్పుడు వదిలేయాలి వంటి విషయాలపై స్పష్టమైన అవగాహన ఉంటుందని సురేష్ తెలిపారు. ఒక సన్నివేశంలో తన డైలాగ్లతో పాటు సహనటుల డైలాగ్లను కూడా తారక్ గుర్తుంచుకుని, దానికి తగినట్లుగా తన నటనను మార్చుకోవడం తనను ఆశ్చర్యపరిచిందని ఆయన చెప్పారు. ఇది చాలా అరుదైన లక్షణమని, “ఏకసంధాగ్రాహి” అని పేర్కొన్నారు. తారక్ వయసులో పెద్దవారైన నటుల పట్ల, ముఖ్యంగా తన తాతగారు, బాబాయ్ జనరేషన్కు చెందిన నటుల పట్ల ఎంతో గౌరవం, మర్యాద చూపిస్తాడని, తాను ఒక పెద్ద స్టార్ అని అహంకారం లేదని సురేష్ అన్నారు.
రామ్ చరణ్ వినయం, సంస్కారం గురించి మాట్లాడుతూ, తాను ఒకసారి చిరంజీవి ఇంటికి వెళ్ళినప్పుడు రామ్ చరణ్ తనను “అంకుల్, అంకుల్” అని ఆప్యాయంగా పలకరించాడని, తినడానికి ఏదైనా తీసుకురానా అని అడిగిన విషయాన్ని పంచుకున్నారు. ఒక పెద్ద స్టార్, పర్సనాలిటీ అయినప్పటికీ, చిరంజీవి కుమారుడిలాగా, పెద్దల పట్ల ఎంతో గౌరవం, మర్యాద చూపడం తనను కట్టిపడేసిందని సురేష్ తెలిపారు. “ఇది పెంపకం అండి. అంత మంచి పెంపకం,” అని ఆయన రామ్ చరణ్ కుటుంబ సంస్కారాన్ని ప్రశంసించారు.
ఎక్కువ మంది చదివినవి : Tollywood : గ్లామర్ సీన్స్ చేస్తానని ఏడ్చేశాను.. నాకెందుకు అలాంటి సీన్స్ రాలేదు.. టాలీవుడ్ హీరోయిన్..
సురేష్, ఎన్టీఆర్..
Suresh, Ntr
ఎక్కువ మంది చదివినవి : Cinema : రూ.150 కోట్లు పెట్టి పరమ చెత్త సినిమా తీశారు.. ఇండస్ట్రీలో అతిపెద్ద డిజాస్టర్.. ఇప్పటికీ కోలుకోని నిర్మాత..