Iran: అమెరికా హార్ముజ్ జలసంధి దిగ్బంధాన్ని కొనసాగిస్తే, ఇరాన్ హార్ముజ్ను మూసేస్తుందని ఇరాన్ పార్లమెంట్ స్పీకర్ మహమ్మద్ బఘేర్ గాలిబాఫ్ డొనాల్డ్ ట్రంప్ను హెచ్చరించారు. హార్ముజ్ దిగ్బంధం కొనసాగుతుందని ట్రంప్ వ్యాఖ్యలు చేసిన కొన్ని గంటల్లోనే ఇరాన్ నుంచి ఈ ప్రకటన వచ్చింది. ఈ మార్గం గుండా రాకపోకలు ఇరాన్ అనుమతితోనే జరుగుతుందని గాలిబాఫ్ స్పష్టం చేశారు. మరోవైపు, డీల్ కుదరకపోతే మళ్లీ దాడులు ప్రారంభిస్తానని ట్రంప్ హెచ్చరించారు.
Read Also: AP Singh: అమెరికా యుద్ధ విమానంలో భారత్ ఎయిర్ చీఫ్ ఏపీ సింగ్ పర్యటన.. ఫొటోలు వైరల్
ట్రంప్ వ్యాఖ్యలపై స్పందించిన గాలిబాఫ్.. వారు అబద్ధాలతో యుద్ధాన్ని గెలవలేరని, చర్చలు కూడా ముందుకు సాగవని, హార్ముజ్ తెరిచి ఉంటుందా.? మూసి ఉంటుందా.? అనే నిబంధనలు క్షేత్రస్థాయిలో నిర్ణయించబడుతాయని, సోషల్ మీడియా ద్వారా కావని ట్రంప్కు కౌంటర్ ఇచ్చారు. ట్రంప్ ఒక గంటలో ఏడు వాదనలు చేశారని ఇవన్నీ అబద్ధాలే అని ఆయన స్పష్టం చేశారు.