లెజెండరీ సింగర్ ఆశా భోస్లే (92) గుండెపోటుతో ఆసుపత్రిలో చేరారు. సడెన్ కార్డియాక్ అరెస్ట్ రావడంతో శనివారం (2026) ఏప్రిల్ 11) ఆమెను ముంబైలోని బ్రీచ్ కాండీ హాస్పిటల్ అడ్మిట్ చేశారు. ప్రస్తుతం ఆమె ఎమర్జెన్సీ యూనిట్ లో చికిత్స పొందుతోంది. పరిస్థితి విషమంగా ఉన్నట్లు తెలుస్తోంది.
బ్రీచ్ కాండీ హాస్పిటల్ డా.ప్రతీత్ సమ్దానీ చెప్పిన వివరాల ప్రకారం.. గుండెపోటుతో ఆశా భోస్లేను ఆస్పత్రికి తీసుకొచ్చారు. వెంటనే ఎమర్జెనీ కేర్ యూనిట్ లో ఉంచి చికిత్స అందిస్తున్నాం. ఆమె హెల్త్ కండిషన్ గురించి ఇప్పుడే ఏం చెప్పలేం అని అన్నారు. ఆమె కుటుంబ సభ్యులు ఇప్పటి వరకు ఎవరూ స్పందించలేదు.
- చురా లియా హై తుమ్నే జో దిల్ కో..
ఆశా భోస్లేకు మల్టీటాలెంటెడ్ సింగర్ గా పేరుంది. గజల్స్ నుంచి ఉర్రూతలూగించే క్యాబరే గీతాల వరకు ఎలాంటి పాటనైనా సునాయాసంగా పాడటం ఆమె స్పెషల్. హిందీలో ఓ.పి. నయ్యర్తో ఆమె ఆవో హుజూర్ తుమ్కో సాంగ్ ఎంత హిట్టో మన తాతలు, తండ్రులకు తెలుసు. ఆర్.డి. బర్మన్తో ఆమె పాడిన ఎవర్ గ్రీన్ హిట్.. చురా లియా హై తుమ్నే జో దిల్ కో.. ఈ జనరేషన్ కు కూడా సుపరిచితం అని చెప్పుకోవచ్చు.
పియా తు అబ్ తో ఆజా, యే మేరా దిల్.. వంటి పాటలలో శృంగారాన్ని నింపగల ఆమె సామర్థ్యం హిందీ సినిమా సంగీత స్వరూపంలో విప్లవాత్మక మార్పులు తెచ్చింది. యే మేరా దిల్.. అనే సాంగ్ రీమేక్ లో కూడా ఎంత హిట్టయిందో ప్రత్యేకంగా చెప్పనక్కర్లేదు. గ్లామర్కు అతీతంగా, ఆమె ఇన్ ఆంఖోం కీ మస్తీ, దిల్ చీజ్ క్యా హై ఎమోషనల్ సాంగ్స్ ఎంతో మందిని ఆకట్టుకకుకన్నాయి. శాస్త్రీయ సంగీతం నుంచి క్యాబరే వరకు ఆమె పాడిందంటే.. అందులో తన మార్క్ ఉండాల్సిందే.