ఈ మధ్యకాలంలో పెద్ద సినిమాలకు ప్రమోషన్లు అత్యంత కీలకంగా మారాయి. భారీ ఓపెనింగ్స్ సాధించడానికి స్టార్ పవర్ తో పాటు అదే స్థాయిలో ప్రచార కార్యక్రమాలు ఉండాలని మేకర్స్ భావిస్తున్నారు. ఈ నేపథ్యంలో, త్వరలో విడుదల కానున్న రామ్ చరణ్ సినిమా పెద్ది ప్రమోషన్ల కోసం యూనిట్ ఒక భారీ ప్రణాళికను సిద్ధం చేసింది.రామ్ చరణ్ హీరోగా, బుచ్చిబాబు దర్శకత్వంలో తెరకెక్కుతున్న పాన్ ఇండియా పీరియాడిక్ స్పోర్ట్స్ డ్రామా పెద్ది. ఈ సినిమాలో జాన్వి కపూర్ హీరోయిన్గా నటిస్తుండగా, సంగీత దిగ్గజం ఏ.ఆర్. రెహమాన్ చాలా కాలం తర్వాత టాలీవుడ్కు రీ-ఎంట్రీ ఇస్తున్నారు. ఈ సినిమా ప్రమోషన్ల కోసం మేకర్స్ ప్రత్యేక శ్రద్ధ తీసుకుంటున్నారు. ఇప్పటికే విడుదలైన అప్డేట్లకు మంచి స్పందన రావడంతో, ప్రచార కార్యక్రమాలను మరింత ఉత్సాహంగా ప్రారంభించాలని చిత్ర బృందం నిర్ణయించింది.
మరిన్ని వీడియోల కోసం :