బ్యాంకు ఉద్యోగాల కోసం ప్రిపేర్ అవుతున్న అభ్యర్థులకు SBI బ్యాంకు శుభవార్త చెప్పింది. స్టేట్ బ్యాంక్ ఆఫ్ ఇండియా (SBI)లో ప్రొబేషనరీ ఆఫీసర్ (PO) పోస్టుల కోసం SBI జాబ్ నోటిఫికేషన్ విడుదల చేసింది. మొత్తం 1500 ఖాళీలకు ఈ నోటిఫికేషన్ విడుదలైంది.
దరఖాస్తు చేసుకోవడానికి జూలై 7, 2026ను చివరి తేదీగా SBI ప్రకటించింది. ఆసక్తి ఉన్న అభ్యర్థులు SBI అధికారిక వెబ్సైట్ sbi.bank.in ద్వారా దరఖాస్తు చేసుకోవచ్చు. 1500 ఖాళీలలో, 1446 రెగ్యులర్ ఖాళీలు ఉన్నాయి. (అన్ రిజర్వుడుకు 588, EWSకు 144, OBCకి 390, SCకి 216, మరియు STకి 108). మిగిలిన 54 ఖాళీలు బ్యాక్లాగ్ ఖాళీలుగా (SCలో 18 మరియు STలో 36) SBI తెలిపింది.
ఏప్రిల్ 1, 2026 నాటికి అభ్యర్థుల వయస్సు 21 నుంచి 30 సంవత్సరాల మధ్య ఉండాలి. గుర్తింపు పొందిన విశ్వవిద్యాలయం నుంచి పట్టభద్రులైన వారు లేదా ఏదైనా విభాగంలో దానికి సమానమైన అర్హత ఉన్నవారు ఈ ఉద్యోగాలకు దరఖాస్తు చేసుకోవడానికి అర్హులు. గ్రాడ్యుయేషన్ చివరి సంవత్సరం/సెమిస్టర్లో ఉన్న అభ్యర్థులు కూడా దరఖాస్తు చేసుకోవచ్చు, అయితే ఇంటర్వ్యూకు ఎంపికైతే.. సెప్టెంబర్ 30, 2026 లోపు ఉత్తీర్ణత సాధించినట్లు రుజువును సమర్పించాల్సి ఉంటుంది.
►ALSO READ | ప్రపంచంలో టాప్ 200 యూనివర్సిటీల్లో… ఇండియా నుంచి మూడంటే మూడే యూనివర్సిటీలు..!
SBI PO ఉద్యోగానికి ఎలా దరఖాస్తు చేయాలి ?
* SBI కెరీర్ పోర్టల్కు వెళ్లండి.
* ‘current openings’పై క్లిక్ చేసి నమోదు చేసుకోండి.
* దరఖాస్తు నింపండి. అవసరమైన పత్రాలను అప్లోడ్ చేయండి.
* అవసరమైన రుసుములను చెల్లించండి.
* ఫారమ్ను సమర్పించి, ఫీజు రసీదును డౌన్లోడ్ చేసుకోండి.
SBI పరీక్ష మొత్తం మూడు దశల్లో జరుగుతుంది.. మొదటి దశ (ఆన్లైన్ ప్రిలిమినరీ పరీక్ష), రెండవ దశ (ఆన్లైన్ మెయిన్ పరీక్ష), మూడవ దశ (సైకోమెట్రిక్ టెస్ట్, ఇంటర్వ్యూ, గ్రూప్ ఎక్సర్సైజ్లు).