ఓరీ దేవుడా.. ఆ ముగ్గురి లాస్ట్ 10 ఇన్నింగ్స్ రన్స్ ఇవేనా?.. వాళ్ల కంటే సంజూనే బెటర్!
Sanju Samson: ఇంగ్లాండ్తో జరిగిన మూడో టీ20లో భారత్ ఘోరంగా ఓడిపోయిన నేపథ్యంలో.. సంజూ శాంసన్ను తుది జట్టు నుంచి పక్కన పెట్టడంపై సోషల్ మీడియాలో సెలెక్టర్లకు వ్యతిరేకంగా పెద్ద ఎత్తున యుద్ధం నడుస్తోంది. బీసీసీఐ, చీఫ్ సెలెక్టర్ అజిత్ అగార్కర్.. సంజూను నిలకడలేని ఆటగాడు (Inconsistent) అని ముద్ర వేసి పక్కన పెట్టడాన్ని ఫ్యాన్స్ అస్సలు తట్టుకోలేకపోతున్నారు. దీనికి నిరసనగా, ప్రస్తుతం జట్టులో ఉన్న ఇతర యువ బ్యాటర్ల కంటే సంజూనే ఎంతో బెటర్ అంటూ అభిమానులు సోషల్ మీడియాలో కొందరు ప్లేయర్స్ చివరి 10 ఇన్నింగ్స్ గణాంకాలను (Stats) షేర్ చేస్తూ బీసీసీఐని గట్టిగా ప్రశ్నిస్తున్నారు.
లాస్ట్ 10 ఇన్నింగ్స్ లెక్కలు ఇవే:
* సంజూ శాంసన్: 107, 109, 22, 24, 97, 89, 89, 5, 0, 1.
* ఇషాన్ కిషన్: 10, 36, 11, 8, 3, 13, 12, 0, 49, 13.
* తిలక్ వర్మ: 1, 44, 27, 21, 8, 19, 55, 13, 24, 3.
* అభిషేక్ శర్మ: 68, 0, 10, 9, 52, 49, 0, 59, 43, 10.
* వైభవ్ సూర్యవంశీ: 14, 13 (ఆడిన రెండు ఇన్నింగ్స్లలో).
ఈ గణాంకాలను చూపిస్తూ.. ఇలాంటి రికార్డులు పెట్టుకుని సంజూ శాంసన్ ను నిలకడ లేని ఆటగాడు అనడం ఎంతవరకు సమంజసం? అని క్రికెట్ అభిమానులు క్వశ్చన్ చేస్తున్నారు. ఇక మిగిలిన బ్యాటర్లు ఒక్క మ్యాచ్లో ఆడి, ఆ తర్వాత వరుసగా ఫెయిల్ అవుతున్నా వారిని ఎందుకు ప్రశ్నించడం లేదు? అని ఫ్యాన్స్ నిలదీస్తున్నారు.
ఇంగ్లాండ్ పర్యటనలో వైఫల్యాలు:
ప్రస్తుత ఇంగ్లాండ్ పర్యటనలో భారత బ్యాటింగ్ లైన్ అప్ ఘోరంగా విఫలమవుతుండటంతో ఈ వివాదం మరింత పెద్దదైంది. మూడో టీ20లో ఇండియా ఓడిపోవడంతో.. ఐదు మ్యాచ్ల ఈ సిరీస్లో టీమిండియా 0–2తో వెనుకబడిపోయింది. ఇలాంటి క్లిష్ట పరిస్థితుల్లో మిడిల్ ఆర్డర్ను చక్కదిద్దేందుకు సంజూ వంటి అనుభవజ్ఞుడైన ప్లేయర్ జట్టుకు ఎంతో అవసరమని అభిమానులు తెలియజేస్తున్నారు. హెడ్ కోచ్ గౌతమ్ గంభీర్ నేతృత్వంలోని జట్టు యాజమాన్యం ఇప్పటికైనా కళ్లు తెరిచి సంజూ విషయంలో తమ నిర్ణయాన్ని మార్చుకోవాలని సోషల్ మీడియా వేదికగా డిమాండ్ చేస్తున్నారు. కాగా భారత జట్టు ఈ సిరీస్లో నిలవాలంటే బ్రిస్టల్లో జరగనున్న నాలుగో టీ20 మ్యాచ్లో ఖచ్చితంగా గెలవాల్సిందే.
