ఉదయాన్నే టైమ్కి లేవాలని మొబైల్ అలారమ్ పెట్టుకుని పడుకోవడం మనందరికీ అలవాటే. కానీ, ఆ ఫోన్ను మీ తల పక్కనే, బెడ్పై ఉంచుకుంటున్నారా? అయితే మీరు ప్రమాదంలో పడ్డట్టే! అలారమ్ ఒక్కసారిగా గట్టిగా మోగడం వల్ల గుండెపై తీవ్ర ప్రభావం పడుతుందని నిపుణులు హెచ్చరిస్తున్నారు. అసలు బెడ్పై అలారమ్ పెట్టుకుంటే ఏం జరుగుతుంది? గుండె ఆరోగ్యానికి, మన నిద్రకు అయ్యే నష్టాలేంటో ఇప్పుడు చూద్దాం.
గుండెపై పడే హఠాత్ ఒత్తిడి: నిద్రలో ఉన్నప్పుడు మన శరీరం చాలా ప్రశాంతంగా ఉంటుంది. ఆ సమయంలో చెవి దగ్గర అలారమ్ ఒక్కసారిగా గట్టిగా మోగితే ఉలిక్కిపడి లేస్తాం. ఇక జపాన్లోని నేషనల్ ఇన్స్టిట్యూట్ ఆఫ్ ఇండస్ట్రియల్ హెల్త్ పరిశోధన ప్రకారం.. ఈ హఠాత్ శబ్దం వల్ల బిపి, గుండె వేగం ఒక్కసారిగా పెరుగుతాయి. క్రమంగా ఇది హృదయ సంబంధిత సమస్యలకు దారితీస్తుంది.
హార్మోన్ల అలజడి – పెరిగే స్ట్రెస్: ఉలిక్కిపడి లేవడం వల్ల శరీరంలో ‘ఫైట్-ఆర్-ఫ్లైట్’ స్పందన మొదలవుతుంది. అంటే ఏదో ప్రమాదం వచ్చిందనే భావనతో శరీరం కార్టిసాల్, అడ్రినలిన్ వంటి ఒత్తిడి హార్మోన్లను విపరీతంగా విడుదల చేస్తుంది. ఇక రోజూ ఇలా జరుగుతుంటే మానసిక ఒత్తిడి పెరిగిపోవడమే కాకుండా హైపర్టెన్షన్ బారిన పడే అవకాశం ఉంది.
నిద్ర చక్రానికి పెద్ద భంగం: మన శరీరం సూర్యోదయం, సూర్యాస్తమయాలకు అనుగుణంగా ‘సిర్కాడియన్ రిథమ్’ అనే అంతర్గత గడియారాన్ని అనుసరిస్తుంది. మనం గాఢ నిద్రలో ఉన్నప్పుడు అలారమ్ మోగితే ఈ నిద్ర చక్రం దారుణంగా దెబ్బతింటుంది. ఇక దీనివల్ల ఉదయాన్నే లేవగానే ఫ్రెష్గా అనిపించకపోగా, రోజంతా అలసట, చికాకు, గందరగోళం ఆవహిస్తాయి.
సురక్షితమైన మార్గాలు ఇవే: ఫోన్ దూరంగా పెట్టండి మొదట చేయాలిసిన పని ఇదే. ఫోన్ను తల దగ్గర కాకుండా గదిలో కాస్త దూరంగా ఉంచండి. దీనివల్ల నిద్రలేచి వెళ్లి అలారమ్ ఆపాల్సి వస్తుంది.
క్రమంగా పెరిగే సౌండ్: చిన్న శబ్దంతో మొదలై మెల్లగా పెరిగే రింగ్టోన్స్ ఎంచుకోండి.
సహజమైన నిద్ర: ప్రతిరోజూ ఒకే సమయానికి పడుకుని, 7-8 గంటలు నిద్రపోవడం అలవాటు చేసుకుంటే అలారమ్ అవసరం లేకుండానే మెలకువ వస్తుంది అంటున్నారు నిపుణులు
ఆరోగ్యకరమైన ఉదయం కోసం అలారమ్ వాడుకోవడంలో తప్పులేదు. కానీ దాని శబ్దం మనల్ని భయపెట్టేలా ఉండకూడదు. ఫోన్ను దూరంగా ఉంచి, సున్నితమైన సౌండ్తో నిద్రలేవడం అలవాటు చేసుకుంటే గుండె భద్రంగా ఉంటుంది, రోజంతా ఉత్సాహంగా ఉంటుంది.
గమనిక: పైన సమాచారం కేవలం మీ అవగాహన కోసం మాత్రమే. మీకు ఇప్పటికే గుండె జబ్బులు, అధిక రక్తపోటు లేదా తీవ్రమైన నిద్రలేమి సమస్యలు ఉంటే నిపుణులైన వైద్యులను సంప్రదించి తగిన సలహాలు పొందడం మంచిది.
The post ఉదయం అలారమ్తో లేవడం మంచిదే.. కానీ ఫోన్ను ఇలా పెట్టుకుంటే మాత్రం ప్రమాదమే! appeared first on Manalokam – Latest Telugu News & Updates.