ఉత్తరాఖండ్: భారత్, అమెరికా సైన్యాల మధ్య 22వ సంయుక్త సైనిక విన్యాసాలు ఉత్తరాఖండ్లోని ఔలిలో ప్రారంభమయ్యాయి. ‘యుద్ధ అభ్యాస్ 2026’ పేరుతో జరుగుతున్న ఈ విన్యాసాల్లో ఇరు దేశాలకు చెందిన సుమారు 600 మంది సైనికులు పాల్గొంటున్నారు. ఇదే సమయంలో రాజస్థాన్లోని మహాజన్ ఫీల్డ్ ఫైరింగ్ రేంజ్లోనూ ఈ సంయుక్త శిక్షణ కొనసాగుతోంది. సెప్టెంబర్ 28 వరకు విన్యాసాలు నిర్వహించనున్నారు.
అమెరికా తరఫున 11వ ఎయిర్బోర్న్ డివిజన్కు చెందిన ‘ఆర్కిటిక్ ఏంజెల్స్’ సైనికులు ఈ విన్యాసాల్లో పాల్గొంటున్నారు. పర్వత, అర్ధ పర్వత ప్రాంతాల్లో ఎదురయ్యే సవాళ్లను ఎదుర్కొనే విధంగా ఇరు సైన్యాలు వివిధ ఆపరేషనల్ డ్రిల్స్ నిర్వహిస్తున్నాయి.
ఈ శిక్షణలో ఇంటిగ్రేటెడ్ బ్యాటిల్ గ్రూప్స్ వినియోగం, పదాతిదళ ఆధారిత ఆపరేషన్లు, జాయింట్ ప్లానింగ్, సమన్వయంతో కూడిన ఆపరేషన్లపై ప్రధానంగా దృష్టి పెట్టారు. ఆధునిక యుద్ధ సాంకేతికతకు కూడా ప్రత్యేక ప్రాధాన్యం ఇస్తున్నారు. డ్రోన్లు, ఆటానమస్ సిస్టమ్స్ ద్వారా నిఘా, రెకనైసెన్స్, కౌంటర్-అన్మ్యాన్డ్ ఎయిర్క్రాఫ్ట్ సిస్టమ్స్, లాంగ్-రేంజ్ ప్రెసిషన్ ఫైర్స్ వంటి అంశాలపై ఇరు దేశాల సైనికులు శిక్షణ పొందుతున్నారు.
ముఖ్యంగా ఉగ్రవాద నిరోధక డ్రిల్స్ ఈ విన్యాసాల్లో ప్రత్యేక ఆకర్షణగా నిలిచాయి. భవనాల్లో ఉగ్రవాదులు ఉన్న పరిస్థితిని అనుకరిస్తూ భద్రతా దళాలు చేపట్టే ఆపరేషన్లను ప్రాక్టీస్ చేశారు. అలాగే నిఘా, ఆపరేషన్లలో రోబోటిక్ డాగ్స్ వినియోగాన్ని కూడా ప్రదర్శించారు. సాంకేతిక పరిజ్ఞానాన్ని సైనిక కార్యకలాపాల్లో మరింత సమర్థంగా వినియోగించడంపై ఈ విన్యాసాల్లో దృష్టి సారించారు.
ఇరు దేశాల సైన్యాల మధ్య ఇంటర్ఆపరబిలిటీని పెంచడం, అత్యుత్తమ ఆపరేషనల్ విధానాలను పరస్పరం పంచుకోవడం, జాయింట్ ప్లానింగ్ సామర్థ్యాన్ని మెరుగుపరచడం ఈ విన్యాసాల ప్రధాన లక్ష్యాలుగా ఉన్నాయి. టెక్నాలజీ ఇన్ఫ్యూజన్, మల్టీ-డొమైన్ ఆపరేషన్లపై కూడా చర్చలు, శిక్షణ కొనసాగుతున్నాయి.
‘యుద్ధ అభ్యాస్’ సిరీస్లో భాగంగా భారత్, అమెరికా సైన్యాలు క్రమం తప్పకుండా సంయుక్త శిక్షణ నిర్వహిస్తున్నాయి. తాజా విన్యాసాలు ఇరు దేశాల రక్షణ సహకారం, సైనిక సమన్వయాన్ని మరింత బలోపేతం చేసే దిశగా కొనసాగుతున్నాయి.
వీడియో ఇక్కడ చూడండి..
Robotic dogs, drones and sniper teams took the lead as US and Indian Army troops trained for counterterrorism operations at Auli.
Exercise Yudh Abhyas 2026 is focusing heavily on integrating new battlefield tech with specialized combat units. #YudhAbhyas #IndianArmy https://t.co/JUak1GnagR
— Akash Sharma (@kaidensharmaa) September 17, 2026
మరిన్ని జాతీయ వార్తల కోసం ఇక్కడ క్లిక్ చేయండి..