ఈ మధ్యకాలంలో సినిమా రిలీజ్ డేట్ అనౌన్స్ చేసిన తర్వాత కూడా ఎన్నో సినిమాలు వాయిదా పడుతూ వస్తున్నాయి. పెద్ద సినిమాలు షూటింగ్ డిలే వల్ల లేదా ఇతర కారణాల వల్ల డిలే అవుతున్నాయంటే అర్థం ఉంది కానీ, చిన్న సినిమా మేకర్స్ కూడా రిలీజ్ డేట్ని చాలా లైట్ తీసుకుంటున్నారు.
నిజానికి ఈ వారం ‘అనుమాన పక్షి’ అనే సినిమాతో పాటు ‘హనుమాన్ అన్ష్’ సినిమా తెలుగులో రిలీజ్ కావాల్సి ఉంది. అదే విధంగా ‘418’ అనే కన్నడ సినిమా కూడా రిలీజ్ కావాల్సి ఉంది. ఇందులో కన్నడ సినిమా మాత్రం పాన్ ఇండియా రిలీజ్ స్ట్రాటజీ కారణంగా వాయిదా పడితే, ‘హనుమాన్ అన్ష్’ తెలుగు డబ్బింగ్ సెన్సార్ పూర్తి కాకపోవడంతో పాటు, ‘అనుమాన పక్షి’ సినిమా సెన్సార్ పూర్తి కాకపోవడంతోనే రిలీజ్ వాయిదా పడింది.
నిజానికి ‘అనుమాన పక్షి’ సినిమా కంటెంట్ డ్రివెన్ ఫిలిం. సినిమా షూటింగ్ ఎప్పుడో పూర్తయింది, సినిమా టీం ప్రమోషన్స్ కూడా ప్రారంభించింది. కానీ, సెన్సార్ విషయంలో మాత్రం చివరి నిమిషం వరకు లైట్ తీసుకున్నారు. ఈ సినిమాకి ముందే సెన్సార్ అప్లై చేసుకొని ఉంటే, ఈపాటికి సినిమా రిలీజ్ కి రెడీ అయి ఉండేది. ఈ సినిమా ఉదాహరణ మాత్రమే, ఇలా చాలా సినిమాలు రిలీజ్ డేట్లు అనౌన్స్ చేసి కూడా చివరి వరకు సెన్సార్ జోలికి వెళ్లడం లేదు.
ఒక్కోసారి సెన్సార్ వాళ్ళు ఏకంగా పేరునే మార్చేయాలని చెబుతున్న క్రమంలో, ఆ సినిమాలు ఒక్క దెబ్బకు ఎప్పుడో రిలీజ్ కావాల్సినవి, ఎప్పుడు రిలీజ్ అవుతాయో కూడా తెలియని పరిస్థితుల్లోకి వెళ్లిపోతున్నాయి. కాబట్టి చిన్న సినిమా మేకర్స్ తమ కంటెంట్ రెడీ అవ్వగానే సెన్సార్ కి వెళితే సాధ్యాసాధ్యాలు అర్థమవుతాయి. అప్పుడే చిన్న సినిమాలను అయినా టైంకి తీసుకువచ్చే పరిస్థితి ఏర్పడుతుంది. ఎందుకంటే, పెద్ద సినిమాల బడ్జెట్లతో పాటు కొన్ని కొన్ని అనుకూలించవు. చిన్న సినిమాల విషయంలో జాగ్రత్తలు తీసుకోకుంటే సినీ పరిశ్రమ ఇబ్బంది పడక తప్పదు.