Wednesday Horoscope September 16 2026: భక్తి టీవీలో ప్రముఖ జ్యోతిష్య నిపుణులు శ్రీ రాయప్రోలు మల్లికార్జున శర్మ నేటి దినఫలాలు, పూజా విధానాలు, తీసుకోవాల్సిన జాగ్రత్తలను వివరించారు. ధనుస్సు రాశి వారికి నేడు అన్ని శుభాలే జరగనున్నాయి. ఎగుమతి-దిగుమతి వ్యాపారంలో ఉన్నవారికి మంచి అనుకూలతలు ఉంటాయి. డబ్బు రాక మొదలవుతుంది. దానధర్మాల విషయంలో జాగ్రత్త వహించాలి. కొందరు మిమ్మల్ని మోసం చేసే అవకాశం ఉంది. పని ఒత్తిడి పెరగడం వల్ల నిద్రలేమి సమస్యలు ఎదురవుతాయి. ఈరోజు మీకు అనుకూలించే దైవం: శ్రీ క్షిప్ర గణపతి స్వామి. పసుపు గణపతికి అర్చన చేయడం మరియు పేదలకు అన్నదానం చేయడం శుభకరం.
కుంభ రాశి వారు వృత్తి పరంగా మంచి ప్రశంసలు, గుర్తింపు పొందుతారు. కుటుంబ పెద్దలతో సత్సంబంధాలు పెరుగుతాయి. ఆరోగ్యం పట్ల శ్రద్ధ వహించాలి. ఆర్థిక నిర్ణయాలు తీసుకునేటప్పుడు పొరపాట్లు జరగకుండా చూసుకోవాలి. నేడు మీకు అనుకూలించే దైవం: శ్రీ ఏకదంత గణపతి స్వామి. ఎరుపు రంగు పువ్వులతో గణపతి స్వామిని పూజించడం మంచిది. మీన రాశి వారికి దేశీ ప్రయాణ ప్రయత్నాలు కలిసివస్తాయి. ఆలయాలు, ఆశ్రమాలను సందర్శిస్తారు. నూతన ఒప్పందాలు కుదుర్చుకోవడానికి మంచి సమయం కోసం ఎదురుచూస్తారు. వ్యాపార రంగంలో ఉన్నవారికి పరిస్థితులు అనుకూలంగా ఉంటాయి. డబ్బు వచ్చే అవకాశాలు ఎక్కువ. లంబోదర గణపతి అష్టకాన్ని పారాయణం చేయడం శుభఫలితాలనిస్తుంది. కింది వీడియోలో మిగతా రాశుల వారి దిన ఫలాలు ఉన్నాయి.