India vs Afghanistan: ఆఫ్ఘనిస్తాన్తో జరుగుతున్న రెండో టీ20 సమరంలో భారత కెప్టెన్ శ్రేయస్ అయ్యర్ టాస్ గెలిచి మరోసారి ఫీల్డింగ్ తీసుకున్నాడు. తొలి మ్యాచ్లో 7 వికెట్ల తేడాతో ఊదేసినప్పటికీ, ఆఫ్ఘన్ను మరింత ఘోరంగా దెబ్బకొట్టి ఉండాల్సిందని, ఆల్రౌండ్ వినాశనం సృష్టించడమే తమ లక్ష్యమని అయ్యర్ ప్రత్యర్థికి వార్నింగ్ ఇచ్చాడు. కాగా భారత తుది జట్టులో ఒక కీలక మార్పు చోటు చేసుకుంది. స్టార్ స్పిన్నర్ వరుణ్ చక్రవర్తి గాయపడటంతో అతడి స్థానంలో యంగ్ వికెట్ టేకింగ్ స్పిన్నర్ రవి బిష్ణోయ్ను ప్లేయింగ్ ఎలెవన్లోకి వచ్చాడు.
వైభవ్కు మళ్లీ హ్యాండ్.. సంజుకు లాస్ట్ ఛాన్స్:
తొలి టీ20లో విఫలమైనప్పటికీ సంజు శాంసన్పై నమ్మకంతో శ్రేయస్ అయ్యర్ అతడికే మళ్లీ ఓపెనింగ్ బాధ్యతలు అప్పగించాడు. దీంతో అభిమానులు ఎంతో ఆసక్తిగా ఎదురుచూస్తున్న 15 ఏళ్ల బ్యాటింగ్ సంచలనం వైభవ్ సూర్యవంశీ వరుసగా రెండో మ్యాచ్లోనూ బెంచ్కే పరిమితమయ్యాడు.
ఆ వికెట్లు తీసి ఉంటే ఘోరంగా ఓడేవాళ్లు: – శ్రేయస్
భారత కెప్టెన్ శ్రేయస్ అయ్యర్ మాట్లాడుతూ.. మళ్లీ ఫీల్డింగ్ చేయడం వల్ల పిచ్ స్వభావంపై బౌలర్లకు మరింత క్లారిటీ వస్తుంది. మొదటి మ్యాచ్ను మేము గెలిచాం కానీ, అది మేము అనుకున్నంత భారీ విజయం కాదు.. మిడిల్ ఓవర్లలో వికెట్లు తీసి ఉంటే ఆఫ్ఘనిస్తాన్ ఇంకా ఘోరంగా ఓడిపోయేది.. ఈసారి ఆ తప్పులు సరిదిద్దుకుని మరింత దూకుడుగా ఆడతామని తేల్చి చెప్పాడు.
►ALSO READ | భారత్ vs వెస్టిండీస్ సిరీస్ పూర్తి షెడ్యూల్ ఇదే.. వన్డే, టీ20 మ్యాచ్లు ఎప్పుడు? ఎక్కడంటే!
ఆఫ్ఘన్ కెప్టెన్ ఇబ్రహీం జద్రాన్ మాట్లాడుతూ.. నేను టాస్ గెలిచినా సరే ముందుగా బౌలింగే తీసుకునేవాళ్లం.. కానీ దురదృష్టవశాత్తూ వరుసగా రెండోసారి కూడా టాస్ ఓడిపోయాం. ఇప్పుడు ఈ పిచ్ పరిస్థితులకు తగ్గట్లు బ్యాటింగ్ ఎలా చేయాలో, వేసుకున్న ప్లాన్స్ను ఎలా అమలు చేయాలో ఆలోచించాల్సి ఉందన్నాడు. తొలి టీ20లో 50 పరుగుల లోపే 5 వికెట్లు కోల్పోయాం.. కానీ ఈసారి పాజిటివ్ మైండ్సెట్తో ఆడి, పవర్ప్లేలో భారత బౌలర్లను ఎదుర్కొని మంచి స్కోరు బోర్డుపై ఉంచడమే తమ లక్ష్యమని జద్రాన్ తెలిపాడు.
భారత జట్టు:
సంజు శాంసన్ (వికెట్ కీపర్), అభిషేక్ శర్మ, ఇషాన్ కిషన్, శ్రేయస్ అయ్యర్ (కెప్టెన్), తిలక్ వర్మ, నితీష్ కుమార్ రెడ్డి, శివమ్ దూబె, అక్షర్ పటేల్, అర్ష్దీప్ సింగ్, జస్ప్రీత్ బుమ్రా, రవి బిష్ణోయ్.
ఆఫ్ఘనిస్తాన్ జట్టు:
రహ్మానుల్లా గుర్బాజ్ (వికెట్ కీపర్), ఇబ్రహీం జద్రాన్ (కెప్టెన్), సెదిఖుల్లా అతల్, గుల్బదిన్ నైబ్, దర్విష్ రసూలీ, అజ్మతుల్లా ఒమర్జాయ్, మహ్మద్ నబీ, రషీద్ ఖాన్, నూర్ అహ్మద్, ముజీబ్ ఉర్ రెహ్మాన్, ఫజల్హక్ ఫారూకీ.