IND vs AFG: ఢిల్లీలోని అరుణ్ జైట్లీ స్టేడియం వేదికగా జరుగుతున్న రెండో టీ20 పోరులో భారత బౌలర్లు మరోసారి విరుచుకుపడ్డారు. శ్రేయస్ అయ్యర్ టాస్ గెలిచి ఫీల్డింగ్ తీసుకోగా, భారత యంగ్ ఆల్రౌండర్ నితీష్ కుమార్ రెడ్డి, పేసర్ అర్ష్దీప్ సింగ్ తమ నిప్పులు చెరిగే బౌలింగ్తో ఆఫ్ఘన్ బ్యాటర్లకు చుక్కలు చూపించారు. నిర్ణీత 20 ఓవర్లలో ఆఫ్ఘనిస్తాన్ 8 వికెట్ల నష్టానికి 159 పరుగులు చేసి, భారత్ ముందు 160 పరుగుల ఫైటింగ్ టార్గెట్ను పెట్టింది.
నితీష్ కుమార్ కిరాక్ స్పెల్:
నితీష్ రచ్చ: ఈ మ్యాచ్లో భారత యంగ్ ఆల్రౌండర్ నితీష్ కుమార్ రెడ్డి మైండ్ బ్లాకింగ్ బౌలింగ్తో విరుచుకుపడ్డాడు. తన పదునైన బౌలింగ్ తో ఆఫ్ఘన్ మిడిల్ ఆర్డర్ బ్యాటర్ నడుం విరిచి ఏకంగా 3 కీలక వికెట్లు పడగొట్టాడు.
* అర్ష్దీప్ దెబ్బ: అతడికి తోడుగా నిప్పులు చెరిగే స్వింగ్ బంతులతో అర్ష్దీప్ సింగ్ 2 వికెట్లు తీసి ఆఫ్ఘనిస్తాన్ను తీవ్రంగా దెబ్బకొట్టాడు.
* ఇక జస్ప్రీత్ బుమ్రా, అక్షర్ పటేల్, రవి బిష్ణోయ్ తలో వికెట్ తీసుకోవడంతో.. 20 ఓవర్లలో 159 పరుగులు మాత్రమే ఇచ్చి 8 వికెట్లు తీసుకుంది ఇండియా.
రషీద్ ఖాన్ మెరుపులు.. 159 వద్ద ఆఫ్ఘన్ రెస్ట్:
భారత బౌలర్ల దాడికి ఒకానొక దశలో తక్కువ స్కోరుకే పరిమితమయ్యేలా కనిపించిన ఆఫ్ఘనిస్తాన్ను దర్విష్ రసూలీ (26), అనుభవజ్ఞుడు మహ్మద్ నబీ (20) కొంతసేపు వికెట్ల పతనాన్ని అడ్డుకుని స్కోర్ బోర్డుని పరుగులు పెట్టించే ప్రయత్నం చేశారు. ఇక ఆఖర్లో రషీద్ ఖాన్ (28) బౌండరీలతో మెరుపు ఇన్నింగ్స్ ఆడటంతో ఆఫ్ఘన్ 159 పరుగుల గౌరవప్రదమైన స్కోరు సాధించగలిగింది.
అభిషేక్, సంజు రచ్చ చేస్తారా?:
బ్యాటింగ్కు స్వర్గధామంలాంటి ఢిల్లీలోని అరుణ్ జైట్లీ మైదానంలో 160 పరుగుల లక్ష్యం టీమిండియా బ్యాటింగ్ లైనప్కు పెద్ద కష్టమేమీ కాదు. తొలి టీ20లో విధ్వంసం సృష్టించిన అభిషేక్ శర్మ, వచ్చిన చివరిఅవకాశాన్నైనా నిలబెట్టుకోవాల్సిన సంజు శాంసన్లతో పాటు కెప్టెన్ శ్రేయస్ అయ్యర్లు విరుచుకుపడి సిరీస్ను ఇక్కడే సొంతం చేసుకునే అవకాశం ఉంది.