అయ్యో.. ఇదేం విడ్డూరం.. యువకుడి కడుపులో గర్భాశయం

ఢిల్లీలో వైద్య రంగాన్ని విస్మయానికి గురిచేసే ఓ అరుదైన ఘటన వెలుగు చూసింది. సంతానలేమి సమస్యతో చికిత్స కోసం ఆసుపత్రికి వచ్చిన 26 ఏళ్ల యువకుడి శరీరంలో గర్భాశయం, ఫెలోపియన్ ట్యూబ్స్ ఉన్నట్లు వైద్యులు గుర్తించారు. సాధారణ పరీక్షలు నిర్వహించిన సమయంలో ఈ వింత విషయం బయటపడటంతో డాక్టర్లు సైతం ఆశ్చర్యపోయారు. వైద్య పరిభాషలో ఈ అరుదైన పరిస్థితిని ‘పర్సిస్టెంట్ ముల్లెరియన్ డక్ట్ సిండ్రోమ్’ అని పిలుస్తారని వైద్య నిపుణులు తెలిపారు. జన్యుపరంగా పురుషుడిగా ఉన్నప్పటికీ, వారి శరీరంలో స్త్రీ పునరుత్పత్తి అవయవాలు కూడా అభివృద్ధి చెందడం ఈ సిండ్రోమ్ ప్రత్యేకత. ప్రపంచవ్యాప్తంగా ఇప్పటివరకు ఇలాంటి కేసులు 300 లోపు మాత్రమే నమోదయ్యాయని వారు వెల్లడించారు. ఇది అత్యంత అరుదైన స్థితి కావడంతో దీనిని గుర్తించడం కూడా కష్టతరమని పేర్కొన్నారు. ఈ సమస్యను నిర్ధారించిన వైద్యులు, ఆ యువకుడికి వెంటనే శస్త్రచికిత్స నిర్వహించారు. అతడి కడుపులో ఉన్న గర్భాశయ సంబంధిత అదనపు భాగాలను విజయవంతంగా తొలగించారు. ప్రస్తుతం ఆ యువకుడు కోలుకుంటున్నాడని, ఆయన ఆరోగ్యం నిలకడగా ఉందని వైద్యులు తెలిపారు.

మరిన్ని వీడియోల కోసం ఇక్కడ క్లిక్ చేయండి

Also Watch:

సిబ్బందిపై కారం చల్లి బ్యాంకులో దోపిడీ..

కన్నబిడ్డల పట్ల కర్కశంగా మారుతున్న తల్లిదండ్రులు.. ఎందుకు?

Neena Gupta: 67ఏళ్ల వయసులో ప్రెగ్నెంటా..? ఇచ్చిపడేసిన ఒకప్పటి హీరోయిన్

Epic: ఎపిక్‌ సూపర్ కలెక్షన్స్‌.. డే1 ఎంతంటే?

Hanuman Ansh: త్రివిక్రమ్ తీసుకొస్తున్నారు సరే తెలుగు ఆడియన్స్ ఎంతవరకు ఆదరిస్తారు?