చైనాలో జరుగుతున్న AHF జూనియర్ ఆసియా కప్ 2026లో భారత జూనియర్ మహిళల హాకీ జట్టు మైండ్ బ్లాకింగ్ ప్రదర్శనతో ఫైనల్లోకి దూసుకెళ్లింది. ఈరోజు (శనివారం, సెప్టెంబర్ 12) జరిగిన రసవత్తర సెమీఫైనల్ పోరులో సౌత్ కొరియా జట్టును 5–1 తేడాతో ఊచకోత కోసి దర్జాగా టైటిల్ పోరుకు అర్హత సాధించింది.
సుప్రియ ఊచకోత.. కొరియా విలవిల:
ఈ హై-వోల్టేజ్ సెమీస్లో భారత నయా సంచలనం సుప్రియ హాట్రిక్ గోల్స్తో చెలరేగిపోయింది. కొరియన్ డిఫెన్స్ను చీల్చుకుంటూ ఆమె వేసిన మాస్ ప్లాన్ దెబ్బకు ప్రత్యర్థి డిఫెండర్లు చేతులెత్తేశారు. సుప్రియ గోల్స్ ధాటికి సౌత్ కొరియా ఏ క్షణంలోనూ పుంజుకోలేకపోయింది.
5–1తో కొరియాను తొక్కిపడేసిన భారత్:
ఆరంభం నుంచే పక్కా వ్యూహాలతో విరుచుకుపడిన టీమిండియా కొరియాకు ఏమాత్రం కోలుకునే అవకాశం ఇవ్వలేదు. సుప్రియ మైండ్ బ్లాకింగ్ గోల్స్కు తోడు జట్టు మొత్తం ఆల్రౌండ్ షో చేయడంతో 5–1తో మ్యాచ్ను వన్సైడ్ చేసింది. దక్షిణ కొరియా ఒక గోల్ సాధించినప్పటికీ ఇండియన్ హాకీ టీమ్ సాధించిన భారీ ఆధిక్యం ముందు నిలవలేకపోయింది.
ఫైనల్లో చైనా లేదా జపాన్తో బిగ్ ఫైట్:
ఈ ఘన విజయంతో భారత్ AHF జూనియర్ ఆసియా కప్ 2026 గ్రాండ్ ఫైనల్లోకి అడుగు పెట్టింది. చైనా, జపాన్ జట్ల మధ్య జరగనున్న రెండో సెమీఫైనల్ విజేతతో భారత్ టైటిల్ సమరంలో తలపడనుంది. టోర్నీ ఆద్యంతం ప్రత్యర్థులను తొక్కిపడేస్తూ వస్తున్న ఇండియన్ ఉమెన్స్, ఫైనల్లోనూ అదే ఊపుతో ట్రోఫీ ముద్దాడటం ఖాయమని ఫ్యాన్స్ ధీమా వ్యక్తం చేస్తున్నారు.
𝗪𝗘’𝗥𝗘 𝗜𝗡 𝗧𝗛𝗘 𝗙𝗜𝗡𝗔𝗟! 🇮🇳🔥
Led by Supriya’s hat-trick, a dominating 5-1 win over South Korea takes the Indian Junior Women’s Team into the final of the AHF Junior Asia Cup 2026! 🔥🏑
India will face the winner of Semi-Final 2 between China and Japan in the title… pic.twitter.com/pJfBTdzl7z
— Hockey India (@TheHockeyIndia) September 12, 2026