రోజంతా ఫోన్ ఉపయోగించినా బ్యాటరీ అయిపోకూడదని కోరుకునే వారికి Oppo కొత్త స్మార్ట్ఫోన్ ఆసక్తికరమైన ఆప్షన్గా మారనుంది. చైనా మార్కెట్లో అడుగుపెట్టిన ఈ 5G మొబైల్లో 120Hz డిస్ప్లే, శక్తివంతమైన ప్రాసెసర్, 50MP కెమెరా ఉన్నాయి. ముఖ్యంగా 8,000mAh బ్యాటరీ ఈ ఫోన్కు ప్రత్యేక గుర్తింపును తీసుకొచ్చింది. ధర కూడా కీలకంగా మారింది.
అదిరిపోయే కాంబినేషన్!
Oppo A సిరీస్ నుంచి వచ్చిన ఈ లేటెస్ట్ 5G స్మార్ట్ఫోన్ చైనా మార్కెట్లో అధికారికంగా లాంచ్ అయింది. సామాన్య వినియోగదారులతో పాటు గేమింగ్, మల్టీమీడియా అవసరాలు ఉన్నవారిని దృష్టిలో పెట్టుకుని దీన్ని రూపొందించారు. ఈ ఫోన్లో 6.57 అంగుళాల Full HD+ డిస్ప్లే ఉంది. ఇది 120Hz రిఫ్రెష్ రేట్కు సపోర్ట్ చేస్తుంది. దీంతో స్క్రోలింగ్, వీడియో ప్లేబ్యాక్ సమయంలో స్మూత్ అనుభూతి లభిస్తుంది.
పనితీరు కోసం MediaTek Dimensity 6360 Max ప్రాసెసర్ను అందించారు. దీనికి జోడింపుగా 8GB వరకు RAM, 256GB వరకు ఇంటర్నల్ స్టోరేజ్ ఆప్షన్లు ఉన్నాయి. ఈ కాంబినేషన్తో రోజువారీ పనులతో పాటు మల్టీటాస్కింగ్లోనూ మంచి పనితీరును అందించేలా ఫోన్ను రూపొందించారు.
IP69K రేటింగ్తో మరింత బలంగా!
ఫోటోగ్రఫీపై ఆసక్తి ఉన్నవారి కోసం వెనుక భాగంలో 50MP ప్రధాన కెమెరాను అందించారు. సెల్ఫీలు, వీడియో కాల్స్ కోసం ముందు వైపు 8MP కెమెరా ఉంది. వీటితోపాటు IP69K రేటింగ్ ఈ ఫోన్కు మరో ముఖ్యమైన ప్రత్యేకతగా నిలుస్తోంది. నీరు, దుమ్ము నుంచి మెరుగైన రక్షణ అందించేలా ఈ రేటింగ్ ఉపయోగపడుతుంది.
ఇక ధర విషయానికి వస్తే 6GB RAM + 256GB స్టోరేజ్ బేస్ వేరియంట్ సుమారు రూ.31,000గా ఉంది. 8GB RAM + 256GB స్టోరేజ్ టాప్ వేరియంట్ ధర సుమారు రూ.35,000 వరకు ఉంటుంది. ప్రస్తుతం చైనా మార్కెట్లో ప్రీ-ఆర్డర్లకు అందుబాటులో ఉన్న ఈ ఫోన్ త్వరలో ఇతర గ్లోబల్ మార్కెట్లలోకి వచ్చే అవకాశం ఉంది. భారీ బ్యాటరీ, వేగవంతమైన డిస్ప్లే, 5G కనెక్టివిటీ కోరుకునే వారికి ఇది ప్రత్యేక ఆకర్షణగా మారుతోంది.