BSNL తన వినియోగదారుల కోసం నిరంతరం సరసమైన ప్లాన్లను ప్రవేశపెడుతోంది. ఈ ప్రభుత్వ రంగ టెలికాం సంస్థ ఇటీవల రూ.40 లోపు ధర కలిగిన ఒక ప్లాన్ను ప్రవేశపెట్టింది. దీని ద్వారా మీరు మనసారా ఇంటర్నెట్ను ఆస్వాదించవచ్చు. అంతేకాకుండా ఈ సంస్థ తన మౌలిక సదుపాయాలను కూడా నిరంతరం అప్గ్రేడ్ చేస్తోంది. ఈ సంవత్సరం మరో లక్ష కొత్త 4G/5G టవర్లను ఏర్పాటు చేయాలని ఇది యోచిస్తోంది.
డేటా మాత్రమే ప్లాన్:
BSNL తన అధికారిక X హ్యాండిల్ ద్వారా ఈ కొత్త రీఛార్జ్ ప్లాన్ను ప్రకటించింది. భారత్ సంచార్ నిగమ్ లిమిటెడ్ వారి ఈ ప్రీపెయిడ్ రీఛార్జ్ ప్లాన్ ధర రూ. 39. ఈ ప్లాన్ ద్వారా వినియోగదారులకు 20GB హై-స్పీడ్ డేటా లభిస్తుంది. ఈ ప్రీపెయిడ్ ప్లాన్ వ్యాలిడిటీ ఒక రోజు. కంపెనీ దీనిని డేటా-ఓన్లీ ప్లాన్గా ప్రారంభిం చింది. తక్కువ ఖర్చుతో ఒక రోజు పాటు ఇంటర్నెట్ ఉపయోగించాలనుకునే వినియోగదారుల కోసం ఈ ప్లాన్ ప్రత్యేకంగా రూపొందించారు.
ఇది కూడా చదవండి: Bathroom Construction: బాత్రూం నిర్మాణానికి ఎంత ఖర్చు అవుతుంది..? పూర్తి లెక్కలు ఇవే..!
BSNL కూడా రూ.1 ఫ్రీడమ్ ఆఫర్ను ప్రకటించింది. భారత్ సంచార్ నిగమ్ లిమిటెడ్ వారి ఈ ప్లాన్ కొత్త వినియోగదారుల కోసం. ఈ ప్లాన్లో కంపెనీ వినియోగదారులకు ఉచితంగా ఒక సిమ్ కార్డును అందిస్తోంది. అలాగే, వినియోగదారులకు 24 రోజుల వ్యాలిడిటీని అందిస్తున్నారు. ఈ ప్లాన్ వినియోగదారులు మొత్తం 24 రోజుల పాటు అపరిమిత వాయిస్ కాలింగ్, ఉచిత నేషనల్ రోమింగ్ను పొందుతారు. అంతేకాకుండా, ఈ ప్లాన్లో వినియోగదారులు ప్రతిరోజూ 1GB డేటా, అంటే మొత్తం 24GB డేటా ప్రయోజనాన్ని పొందుతారు. BSNL వారి ఈ ఆఫర్ సెప్టెంబర్ 12వ తేదీతో ముగుస్తుంది.
ఇది కూడా చదవండి: Success Story: ఆ ఇద్దరే.. కేవలం రూ.4 లక్షల పెట్టుబడి.. 10 నెలల్లో రూ. 2 కోట్ల ఆదాయం..!
బీఎస్ఎన్ఎల్ తన 365 రోజుల వార్షిక రీఛార్జ్ ప్లాన్పై 47 రోజుల అదనపు వ్యాలిడిటీని కూడా అందిస్తోంది. ప్రభుత్వ రంగ టెలికాం సంస్థ అందిస్తున్న ఈ ఆఫర్ కూడా సెప్టెంబర్ 12న ముగుస్తుంది. ఈ ప్లాన్ ప్రయోజనాలలో భాగంగా రోజుకు 2GB హై-స్పీడ్ డేటా, 100 ఉచిత SMS సందేశాలు లభిస్తాయి. అదనంగా, వినియోగదారులు ఏడాది పొడవునా అపరిమిత కాలింగ్, ఉచిత నేషనల్ రోమింగ్ను కూడా పొందుతారు. ఫ్రీడమ్ ఆఫర్ కింద ఈ రీఛార్జ్ ప్లాన్ ఇప్పుడు 412 రోజుల వ్యాలిడిటీని అందిస్తోంది.
ఇది కూడా చదవండి: Vinayaka Chavithi: వీధుల్లో భారీ వినాయకుడిని ఎందుకు పెడతారు? దీని వెనుక ఇంత పెద్ద చరిత్ర ఉందా?
మరిన్ని బిజినెస్ వార్తల కోసం ఇక్కడ క్లిక్ చేయండి