మనం రోజూ ఇంట్లో వాడే చాలా వస్తువులు పైకి ఎంతో శుభ్రంగా కనిపిస్తాయి. కానీ వాటిలో మన కంటికి కనిపించని ప్రమాదకరమైన బాక్టీరియా, ఫంగస్ తిష్టవేసి ఉంటాయి. పరిశుభ్రత పాటించకపోతే ఇవే మనకు తెలియకుండా రకరకాల జబ్బులను తెచ్చిపెడతాయి. అందుకే రోజువారీ వాడే వస్తువులను ఎప్పటికప్పుడు శుభ్రం చేయడమే కాకుండా, నిర్ణీత సమయంలో కొత్తవి మార్చడం కూడా ఎంతో ముఖ్యం. మరి ఏ వస్తువును ఎప్పుడు మార్చాలో ఇప్పుడు వివరంగా తెలుసుకుందాం..
టూత్ బ్రష్ ఎప్పుడు మార్చాలి?: నోటి శుభ్రత ఆరోగ్యానికి చాలా కీలకం. మనం రోజూ వాడే టూత్ బ్రష్ను ప్రతి 3 నెలలకొకసారి తప్పనిసరిగా మార్చాలి. ఇక బ్రష్ కుచించుకుపోయినా లేదా జబ్బుపడి కోలుకున్న వెంటనే అయినా కొత్తది వాడటం మంచిది.
కిచెన్ స్పాంజ్.. బ్యాక్టీరియాకు నిలయం: వంటింట్లో గిన్నెలు తోమడానికి వాడే స్పాంజ్లో ఎప్పుడూ తేమ ఉంటుంది. దీనివల్ల అందులో సూక్ష్మజీవులు చాలా వేగంగా పెరుగుతాయి. ఇక అందుకే కిచెన్ స్పాంజ్ను ప్రతి 1 నుండి 2 వారాలకొకసారి తీసివేసి కొత్తది వాడాలి.
బాత్ టవల్ మార్చడం మర్చిపోకండి: స్నానం చేశాక ఒళ్లు తుడుచుకునే టవల్ను కనీసం ప్రతి 3 రోజులకొకసారి శుభ్రంగా ఉతకాలి. ఇక అలాగే పాతబడిన టవల్ను తీసివేసి ప్రతి 6 నెలలకొకసారి కొత్త బాత్ టవల్ వాడటం ఆరోగ్యానికి శ్రేయస్కరం.
అండర్వేర్ విషయంలో జాగ్రత్త: అంతర్గత అవయవాల పరిశుభ్రత చాలా అవసరం. రోజూ వాడే అండర్వేర్ను ఉతకడమే కాకుండా, ప్రతి 6 నెలలకొకసారి పాతవి పక్కనబెట్టి కొత్తవి తీసుకోవడం వల్ల చర్మసంబంధిత ఇన్ఫెక్షన్ల నుండి సురక్షితంగా ఉండవచ్చు.
పిల్లో కవర్లు తరచూ ఉతకాలి: మనం పడుకునేటప్పుడు ముఖం నేరుగా దిండుపైనే ఉంటుంది. కాబట్టి పిల్లో కవర్లను ప్రతి 3 రోజులకొకసారి ఉతికి వాడాలి. ఇక దీనివల్ల ముఖంపై మురికి చేరకుండా మొటిమలు, అలర్జీల బారిన పడకుండా చర్మాన్ని కాపాడుకోవచ్చు.
మన ఆరోగ్యం మనం వాడే వస్తువుల పరిశుభ్రతపైనే ఆధారపడి ఉంటుంది. వస్తువు పాడైపోయే వరకు వాడకుండా, సరైన కాల వ్యవధిలో వాటిని మార్చుకోవడం వల్ల ఎన్నో రకాల ఇన్ఫెక్షన్లు, రోగాల నుండి మనల్ని మనం కాపాడుకోవచ్చు.
ఇక ఈ చిన్న చిన్న అలవాట్లను మన రోజువారీ జీవితంలో భాగంగా చేసుకుంటే కుటుంబ సభ్యులందరూ నిత్యం ఆరోగ్యంగా, ఉత్సాహంగా ఉండవచ్చు.
The post ఈ వస్తువులను ఏళ్ల తరబడి వాడుతున్నారా..? ఎప్పుడు మార్చాలో తెలుసా? appeared first on Manalokam – Latest Telugu News & Updates.