బుల్లితెర ఆడియెన్స్ ఆసక్తిగా ఎదురు చూస్తోన్న టీవీ రియాలిటీ షో బిగ్ బాస్. తెలుగులో ఇప్పటికే సక్సెస్ ఫుల్ గా 9 సీజన్లు పూర్తి చేసుకున్న ఈ రియాలిటీ షో పదో సీజన్ కూడా త్వరలోనే ప్రారంభం కానుంది. ప్రస్తుతమున్న సమాచారం ప్రకారం ఎప్పటిలాగే సెప్టెంబర్ మొదటి వారంలో బిగ్ బాస్ 10 ప్రారంభం కావచ్చునని తెలుస్తోంది. ల్యాండ్ మార్క్ సీజన్ కావడంతో కంటెస్టెంట్ల ఎంపికలో కూడా నిర్వాహకులు తగు జాగ్రత్తలు తీసుకోనున్నారని తెలుస్తోంది. ఈ క్రమంలోనే బిగ్ బాస్ కంటెస్టెంట్ల కు సంబంధించి సోషల్ మీడియాలో పలువురి ప్రముఖుల పేర్లు వినిపిస్తున్నాయి.. జబర్దస్త్ వర్ష, పవిత్ర, వర్షిణీ, ఎక్స్ ప్రెస్ హరి, నూకరాజు, రాకింగ్ రాకేష్, పల్లవి గౌడ, నందూస్ వరల్డ్ ఫేమ్ నందన, వాసంతి కృష్ణన్ భర్త పవన్ కల్యాణ్, ఆట సందీప్ భార్య జ్యోతి, రాయల్ మెక్ రమణ, శివ్, కడలి సత్యనారాయణ, జబర్దస్త్ వర్ష, వర్షిణీ, ప్రభాకర్ లేదా ఆయన కుమారుడు చంద్రహాస్ తదితరుల పేర్లు బిగ్ బాస్ కంటెస్టెంట్ల లిస్టులో కనిపిస్తున్నాయి. అయితే గతంలో ఈ బిగ్ బాస్ షోలో కంటెస్టెంట్లుగా పాల్గొన్న కొందరు ఈ రియాలిటీ షోపై ఆసక్తికర వ్యాఖ్యలు చేస్తున్నారు. అలా తాజాగా ప్రముఖ యాంకర్, జబర్దస్త్ ఫేమ్ జోర్దార్ సుజాత బిగ్ బాస్ షోపై ఆసక్తికర వ్యాఖ్యలు చేసింది.
‘ నేను కాల్ సెంటర్లో ఉద్యోగం చేయాలని హైదరాబాద్ సిటీకి వచ్చాను. కానీ నా భాష, మాట్లాడే తీరు బాగుందని కొందరు జర్నలిజం వైపు వెళ్లమని సూచించారు. అలా జోర్దార్ కార్యక్రమంతో నాకు ప్రత్యేక గుర్తింపు వచ్చింది. జోర్దార్ షోతో వచ్చిన గుర్తింపే నన్ను బిగ్బాస్ తెలుగు సీజన్-4 వరకు తీసుకెళ్లింది. బిగ్బాస్ తర్వాత నాకు మరిన్ని మంచి అవకాశాలు వచ్చాయి. సినిమాలు, ఓటీటీ ప్రాజెక్టులు, టెలివిజన్ షోల్లో ఛాన్స్ లు వచ్చాయి. నిజం చెప్పాలంటే బిగ్బాస్ నా కెరీర్కు మైనస్ కాలేదు. ఆ షో వల్లే మరింత మంది ప్రేక్షకులకు చేరువయ్యాను. ప్రస్తుతం కూడా బిజీగా ఉన్నాను’ అని సుజాత చెప్పుకొచ్చింది.
భర్త రాకింగ్ రాకేష్ తో సుజాత..
ఇదే క్రమంలో మళ్లీ అవకాశం వస్తే బిగ్బాస్లో పాల్గొంటారా? అన్న ప్రశ్నకు సుజాత ఇలా ఆన్సర్ ఇచ్చింది. ‘అమ్మో… ఇప్పుడు అస్సలు వెళ్లను. అప్పుడు నేను ఒక్కదాన్నే ఉన్నాను కాబట్టి బిగ్ బాస్ షోకు వెళ్లాను. ఇప్పుడు నాకు కుటుంబం ఉంది. ఒక చిన్న పాప కూడా ఉంది. షూటింగ్కి వెళ్లడమే కష్టంగా అనిపిస్తోంది. అలాంటిది నెలల తరబడి ఇంటికి దూరంగా బిగ్బాస్ హౌస్లో ఉండడం ఇప్పుడు సాధ్యం అయ్యే పని కాదు’ అని పేర్కొంది.
మరిన్ని సినిమా వార్తల కోసం ఇక్కడ క్లిక్ చేయండి.