ఆరోగ్యంగా ఉండాలంటే రోజు గంటల తరబడి జిమ్లో కష్టపడాలా? అంటే అస్సలు అవసరం లేదంటున్నారు పరిశోధకులు. వారానికి కేవలం 30 నిమిషాలు కాస్త కఠినమైన వ్యాయామం (హై-ఇంటెన్సిటీ వర్కౌట్) చేస్తే చాలు, మీ గుండె పదిలంగా ఉంటుందని నార్వేజియన్ యూనివర్సిటీ ఆఫ్ సైన్స్ అండ్ టెక్నాలజీ శాస్త్రవేత్తలు తాజాగా తేల్చి చెప్పారు. బిజీ లైఫ్ వల్ల వ్యాయామానికి టైం దొరకట్లేదని బాధపడేవారికి ఈ రీసెర్చ్ ఒక పెద్ద ఊరటనిస్తోంది.
గుండెకు కొండంత అండ: మనం వ్యాయామం చేసేటప్పుడు కాస్త గట్టిగా ఊపిరి పీల్చుకునేలా, ఒంటికి చెమట పట్టేలా శ్రమించడమే ఈ పరిశోధనలోని అసలు రహస్యం. ఇలా వారంలో మొత్తం మీద ఒక అరగంట పాటు కష్టపడితే అది రోజు విడిచి రోజు 10 నిమిషాల చొప్పున వ్యాయామం చేయడంతో సమానమని శాస్త్రవేత్తలు చెబుతున్నారు. ఇక ఇది మన గుండె, రక్తనాళాల పనితీరును అద్భుతంగా మెరుగుపరుస్తుంది.
వ్యాధుల ముప్పుకు బ్రేక్: మన శరీరంలో కార్డియో ఫిట్నెస్ (గుండె సామర్థ్యం) బాగుంటే కొండంత బలం వచ్చినట్లే. ఈ రీసెర్చ్ ప్రకారం మంచి ఫిట్నెస్ ఉండటం వల్ల షుగర్ బీపీ లాంటి 30కి పైగా జీవనశైలి వ్యాధులు వచ్చే అవకాశం చాలా వరకు తగ్గుతుంది. అంతేకాదు ఇక అకాల మరణం సంభవించే ప్రమాదం కూడా దాదాపు 40 నుంచి 50 శాతం వరకు తగ్గిపోతుందని ఈ అధ్యయనంలో స్పష్టమైంది.
ఆరోగ్యం కోసం రోజులు, గంటలు కేటాయించాల్సిన పని లేదు. వారానికి ఒక అరగంట మనసు పెట్టి, కాస్త గట్టిగా శారీరక శ్రమ చేస్తే చాలు. ఇక బిజీ షెడ్యూల్లోనూ ఈ చిన్న మార్పు చేసుకుంటే గుండె జబ్బులకు దూరంగా, నిండు నూరేళ్ల ఆయుష్షుతో హ్యాపీగా జీవించవచ్చు.
గమనిక: మీ శరీర తత్వాన్ని బట్టి, ఏదైనా కొత్త రకమైన కఠిన వ్యాయామాలు లేదా హై-ఇంటెన్సిటీ వర్కౌట్స్ ప్రారంభించే ముందు ఒకసారి వైద్యులను లేదా ఫిట్నెస్ నిపుణులను సంప్రదించడం మంచిది.
The post వారానికి 30 నిమిషాలు చాలు!.. హార్ట్ హెల్త్ బూస్ట్ గ్యారంటీ! appeared first on Manalokam – Latest Telugu News & Updates.