లక్షల్లో జీతం వచ్చే సాఫ్ట్వేర్ ఉద్యోగం వదిలేసి, ఫుల్ టైమ్ యూట్యూబర్గానో లేదా ఇన్ఫ్లుయెన్సర్గానో మారిపోవాలని చాలా మందికి ఉంటుంది. బెంగళూరుకు చెందిన ఒక టెక్కీకి కూడా సరిగ్గా ఇలాంటి ఆలోచనే వచ్చింది. అయితే, తొందరపడి రిజైన్ చేయకుండా AI (చాట్ జీపీటీ)ని సలహా అడగగా, అది ఇచ్చిన ప్రాక్టికల్ ఆన్సర్ ఇప్పుడు సోషల్ మీడియాలో వైరల్ అవుతోంది. ఆ అదిరిపోయే ప్లాన్ ఏంటో మీరే చూడండి.
తొందరపడి జాబ్ వదలొద్దు: నెలకు లక్షల్లో జీతం వచ్చే ఉద్యోగాన్ని వదిలేయడం అంటే చిన్న విషయం కాదు. అందుకే AI ఆ టెక్కీకి ఒక చాలెంజ్ విసిరింది. ముందుగా ఒక 90 రోజుల ప్లాన్ వేసుకోమని చెప్పింది. అంటే, ఉద్యోగం చేస్తూనే పార్ట్ టైమ్గా కంటెంట్ క్రియేట్ చేసి, అసలు నీకు ఆ ఫీల్డ్ సెట్ అవుతుందో లేదో చెక్ చేసుకోమని సూచించింది.
90 రోజుల టార్గెట్: వారానికి కనీసం మూడు సార్లు నాణ్యమైన వీడియోలు లేదా పోస్ట్లు చేయాలని, అలా చేస్తూ 10 వేల మంది ఫాలోవర్లను సంపాదించాలని AI లక్ష్యాన్ని నిర్దేశించింది. అలాగే, ఇన్ఫ్లుయెన్సర్గా కనీసం నెలకు 20 వేల రూపాయలు సంపాదించడం మొదలుపెట్టాలి. అప్పుడే నీ కంటెంట్కు మార్కెట్లో డిమాండ్ ఉందని అర్థం చేసుకోవచ్చని క్లారిటీ ఇచ్చింది.
డబ్బుల విషయంలో జాగ్రత్త: ఉద్యోగం మానేయక ముందే కనీసం 6 నుండి 9 నెలల పాటు మన ఖర్చులకు సరిపడా సేవింగ్స్ బ్యాంక్ అకౌంట్లో ఉండాలని AI హెచ్చరించింది. ఎందుకంటే సోషల్ మీడియాలో ఆదాయం ఎప్పుడు ఎలా ఉంటుందో ఎవరూ చెప్పలేరు. ఇక అందుకే బ్యాకప్ ప్లాన్ లేకుండా అడుగు వేయడం రిస్క్ అని సాఫ్ట్వేర్ ఇంజనీర్కు హితబోధ చేసింది.
ఎప్పుడు రిజైన్ చేయాలి?: కంటెంట్ క్రియేషన్ ద్వారా వచ్చే ఆదాయం, నీ ప్రస్తుత జీతంలో కనీసం 30 నుండి 40 శాతానికి చేరుకున్నప్పుడు మాత్రమే జాబ్ వదిలేయడం గురించి ఆలోచించమని AI చెప్పింది. అవేమీ లేకుండా కేవలం ప్యాషన్తో జాబ్ వదిలేస్తే ఆర్థిక ఇబ్బందులు తప్పవని చాలా ప్రాక్టికల్గా వివరించింది. ఇక ఈ సలహా చూసి నెటిజన్లు “AI మనుషుల కంటే బాగా ఆలోచిస్తోంది” అని కామెంట్స్ చేస్తున్నారు.
కలలు కనడం మంచిదే, కానీ వాటిని నిజం చేసుకునే క్రమంలో ఆర్థిక క్రమశిక్షణ చాలా ముఖ్యం. ఏఐ ఇచ్చిన ఈ సలహా కేవలం ఆ టెక్కీకే కాదు, కొత్తగా ఏదైనా స్టార్ట్ చేయాలనుకునే ప్రతి ఒక్కరికీ వర్తిస్తుంది.
గమనిక: పైన ఇచ్చిన సమాచారం సోషల్ మీడియాలో వైరల్ అయిన సమాచారం ఆధారంగా రూపొందించబడింది. ఏదైనా కెరీర్ నిర్ణయం తీసుకునే ముందు వ్యక్తిగత ఆర్థిక పరిస్థితిని బేరీజు వేసుకోవడం ముఖ్యం.
The post ఇన్ఫ్లుయెన్సర్ అవ్వాలంటే ఇలా చేయాలి? AI గైడ్ షాక్! appeared first on Manalokam – Latest Telugu News & Updates.