ఈరోజుల్లో అందరికి ఒక డౌట్ వుంటుంది అదే పాలు తాగడం గురించి, కానీ ఏ పాలు తాగాలి? మార్కెట్లోకి వెళ్తే ఫుల్ క్రీమ్ అని, టోన్డ్ అని రకరకాల ప్యాకెట్లు కనిపిస్తాయి. మన బాడీకి ఏది సెట్ అవుతుందో తెలియక చాలామంది కన్ఫ్యూజ్ అవుతుంటారు. మీరు బరువు తగ్గాలనుకుంటున్నారా లేక బాడీ బిల్డింగ్ చేస్తున్నారా? మీ అవసరానికి తగ్గట్టుగా సరైన పాలను ఎంచుకోవడం వల్ల ఆరోగ్యం మెరుగుపడటమే కాదు, మీ ఫిట్నెస్ లక్ష్యాలను కూడా త్వరగా చేరుకోవచ్చు. ఆ తేడాలేంటో ఇప్పుడు చూద్దాం..
ఫుల్ క్రీమ్ మిల్క్ – ఎవరికి బెస్ట్?: ఫుల్ క్రీమ్ మిల్క్ అంటే ఇందులో కొవ్వు (Fat) ఎక్కువగా ఉంటుంది—దాదాపు 6 శాతం వరకు. ఇది చాలా చిక్కగా, రుచిగా ఉంటుంది. పెరిగే పిల్లలకు, రోజంతా కష్టపడి పని చేసే క్రీడాకారులకు ఇది ఎనర్జీ బూస్టర్లా పనిచేస్తుంది. ఇక శరీరానికి మంచి క్యాలరీలు కావాలనుకునే వారు దీనిని ఎంచుకోవచ్చు.
టోన్డ్ మిల్క్ – బరువు తగ్గేవారికి వరం: బరువు తగ్గాలి లేదా ఫిట్గా ఉండాలి అని అనుకునే వారికి టోన్డ్ మిల్క్ ఒక సూపర్ ఆప్షన్. ఇందులో ఫ్యాట్ కేవలం 3 శాతమే ఉంటుంది. ఇక దీనివల్ల క్యాలరీలు తగ్గుతాయి కానీ మన శరీరానికి అందాల్సిన పోషకాలు మాత్రం తగ్గవు. శారీరక శ్రమ తక్కువగా ఉండేవారికి ఇది జీర్ణం అవ్వడం కూడా సులభం.
ప్రోటీన్, కాల్షియం రెండింటిలోనూ ఒకటే: చాలామంది టోన్డ్ మిల్క్ తాగితే బలం ఉండదు అనుకుంటారు, కానీ అది అపోహ మాత్రమే. ఫుల్ క్రీమ్ పాలలో ఉన్నంత ప్రోటీన్, కాల్షియం టోన్డ్ పాలలో కూడా సమానంగా ఉంటాయి. ఇక కేవలం కొవ్వు మరియు క్యాలరీల విషయంలో మాత్రమే మార్పు ఉంటుంది. కాబట్టి ఎముకల బలం కోసం ఏ పాలు తాగినా మేలే!
మీ జీవనశైలిని బట్టి ఎంపిక చేసుకోండి: మీరు రోజంతా ఆఫీసులో కూర్చుని పనిచేసేవారా? అయితే టోన్డ్ మిల్క్ బెటర్. అదే మీరు బాగా ఎక్సర్సైజ్ చేసేవారు లేదా పిల్లలు అయితే ఫుల్ క్రీమ్ మిల్క్ తీసుకోవచ్చు. ఇక మీ శరీర అవసరాలను గుర్తించి పాలను ఎంచుకుంటే ఆరోగ్యం మీ సొంతం.
పాలు ఏదైనా సరే, అది మన ఆరోగ్యానికి మంచిదే. కానీ మన ఫిట్నెస్ గోల్స్కి ఏది సరిపోతుందో తెలుసుకుని తాగడం స్మార్ట్ ఛాయిస్ అవుతుంది.
గమనిక: మీకు పాల వల్ల అలర్జీ ఉన్నా లేదా తీవ్రమైన అనారోగ్య సమస్యలు ఉన్నా, డైట్ మార్చుకునే ముందు డైటీషియన్ లేదా డాక్టర్ సలహా తీసుకోవడం మంచిది.
The post ఫిట్నెస్ కోసం సరైన మిల్క్ ఏది? మీ డైట్కు సరిపోయేది తెలుసుకోండి appeared first on Manalokam – Latest Telugu News & Updates.