మెగా ప్రిన్స్ వరుణ్ తేజ్ తన విభిన్నమైన కథా ఎంపికతో టాలీవుడ్లో తనదైన ముద్ర వేస్తున్నారు. ప్రస్తుతం ఆయన నవ్వుల దర్శకుడు మేర్లపాక గాంధీతో జతకట్టి చేస్తున్న సరికొత్త ప్రయోగం ‘కొరియన్ కనకరాజు’ (Korean Kanakaraju). వైవిధ్యమైన టైటిల్తోనే ఆసక్తి రేకెత్తించిన ఈ సినిమా నుంచి లేటెస్ట్ గా ఫస్ట్ సింగిల్ ను చిత్ర బృందం రిలీజ్ చేసింది.
‘కంసామీద’ సాంగ్
ఈ సినిమా నుంచి ఫస్ట్ సింగిల్ ‘కంసామీద’ (Kamsameeda) విడుదలైంది. ఈ పాట వినగానే ఒక రకమైన పాజిటివ్ వైబ్ కలుగుతోంది. టాలీవుడ్ సెన్సేషనల్ మ్యూజిక్ డైరెక్టర్ ఎస్.ఎస్. తమన్ ఈ చిత్రానికి అద్భుతమైన మెలోడీని అందించారు. ఈ పాటను సిధ్ శ్రీరామ్ అలపించారు. ఇప్పుడు ఇది ఇన్స్టెంట్ హిట్ జాబితాలో చేరిపోయింది. కాసర్ల శ్యామ్ అందించిన సాహిత్యం మట్టి వాసనతో పాటు కొరియన్ టచ్ను కూడా కలగలిపి ఉంది.
కొరియన్ బ్యాక్డ్రాప్లో ..
ఈ సినిమా కథాంశం చాలా ఆసక్తికరంగా ఉండబోతోందని సమాచారం. టైటిల్ను బట్టి చూస్తే, కొరియా దేశానికి, మన ఊరి ‘కనకరాజు’కి మధ్య ఉన్న విచిత్రమైన సంబంధం ఏమిటనేది ప్రధాన ఇతివృత్తంగా అనిపిస్తోంది. మేర్లపాక గాంధీ మార్క్ కామెడీ టైమింగ్, వరుణ్ తేజ్ మేకోవర్ ఈ సినిమాకు ప్రధాన ఆకర్షణగా నిలవనున్నాయి. ఇప్పటికే విడుదలైన ప్రోమోలలో వరుణ్ తేజ్ లుక్ చాలా కొత్తగా, కాస్త ఫన్నీగా ఉండి ఫ్యాన్స్లో క్యూరియాసిటీని పెంచింది.
తారాగణం
వరుణ్ తేజ్ సరసన ‘అశోకవనంలో అర్జున కళ్యాణం’ ఫేమ్ రితికా నాయక్ కథానాయికగా నటిస్తోంది. వీరిద్దరి కెమిస్ట్రీ వెండితెరపై ఫ్రెష్గా ఉండబోతోంది. సీనియర్ నటి తులసి కీలక పాత్ర పోషిస్తున్నారు. ‘వెంకటాద్రి ఎక్స్ప్రెస్’, ‘ఎక్స్ప్రెస్ రాజా’ చిత్రాలతో హిట్స్ అందుకున్న మేర్లపాక గాంధీ, ఈసారి ఒక గ్లోబల్ టచ్ ఉన్న లోకల్ కథను ఎంచుకున్నారు. యువీ క్రియేషన్స్ , ఫస్ట్ ఫ్రేమ్ ఎంటర్టైన్మెంట్స్ సంయుక్తంగా ఈ సినిమాను నిర్మిస్తున్నాయి .
ప్రస్తుతం శరవేగంగా చిత్రీకరణ జరుపుకుంటున్న ఈ చిత్రంపై మెగా అభిమానుల్లో భారీ అంచనాలు ఉన్నాయి. ‘ఆపరేషన్ వాలెంటైన్’, ‘మట్కా’ వంటి సీరియస్ సినిమాల తర్వాత వరుణ్ తేజ్ పూర్తి స్థాయి ఎంటర్టైనర్తో రాబోతుండటంతో బాక్సాఫీస్ వద్ద ఈ ‘కనకరాజు’ ఎలాంటి మ్యాజిక్ చేస్తాడో చూడాలి. త్వరలోనే ఈ సినిమా టీజర్ మరియు విడుదల తేదీపై మేకర్స్ అధికారిక ప్రకటన చేసే అవకాశం ఉంది.