Shreyas Iyer: మాంచెస్టర్ లో జరిగిన రెండో టీ20 మ్యాచ్ ఓడిపోంగనే భారత కెప్టెన్ శ్రేయస్ అయ్యర్ ప్రెస్ మీట్ లో మాట్లాడిన మాటలు ఇప్పుడు సోషల్ మీడియాను షేక్ చేస్తాంది. మ్యాచ్ ఓడిపోవడానికి అసలు కారణం రవి బిష్ణోయ్ అని శ్రేయస్ అన్నాడు. నేను ఏ ఒక్కడిని అనను అంటూనే.. మొత్తానికి బిష్ణోయ్ మీదికి తోసేసరికి క్రికెట్ ఫ్యాన్స్కు మస్తు కోపమొచ్చింది. ఓటమి బాధ్యత తీసుకోకుండా ఇట్లా బౌలర్ల మీదికి నెట్టేస్తావా అంటూ నెటిజన్లు గట్టిగనే ట్రోల్ చేస్తున్నారు.
నేను చెప్పను కానీ.. అతడే చేయలేదు:
మ్యాచ్ ఎక్కడ చేజారిందని అడుగంగనే అయ్యర్ సాబ్ ఇట్లా అన్నాడు.. మ్యాచ్ ఎక్కడ పోయిందో మనందరికీ ఎరుకే, నేనైతే ఏ ఒక్కరి పేరు పెట్టి చెప్పదల్చుకోలేదు.. 15 ఓవర్ల దాకా మ్యాచ్ మన చేతుల్నే ఉండె, బౌలర్లు అప్పటి వరకు బాగానే వేసిండ్రు.. కానీ అంతటితో ఆగకుండా.. ఆ తర్వాతనే ఒక్కసారిగా మ్యాచ్ వాళ్ల దిక్కు తిరిగింది.. ఒక నో-బాల్ పడ్డాక మొమెంటం పోయింది, అతడు మళ్లీ మంచిగ వేస్తాడనుకున్నాను కానీ బిష్ణోయ్ వేసిన 17వ ఓవర్ ముచ్చట ఎత్తాడు. ఇక అంతే.. అప్పటిదాకా 49 రన్స్ కొట్టాల్సిన ఇంగ్లాండ్కు ఆ ఓవర్లో రెండు సిక్సర్లు, నో బాళ్లతోనే మ్యాచ్ ఈజీ అయిపోయిందని కెప్టెన్ శ్రేయస్ చెప్పేసరికి ఫ్యాన్స్ ఫైర్ అవుతున్నారు.
ధోనిని చూసి నేర్చుకో:
శ్రేయస్ అయ్యర్ మాటలను నెటిజన్లు పాకిస్థాన్ మాజీ కెప్టెన్ బాబర్ అజామ్తో పోలుస్తున్నారు. 2022 వరల్డ్ కప్లో ఇండియా చేతిలో పాక్ ఓడిపోయినప్పుడు బాబర్ కూడా ఇట్లనే బౌలర్ నవాజ్ మీదికి తోసేసిండు. కానీ భారత మాజీ కెప్టెన్ మహేంద్ర సింగ్ ధోనీ, రోహిత్ శర్మ, సూర్యకుమార్ యాదవ్లను చూడు.. మ్యాచ్ ఓడిపోతే తప్పు నాదే అని ముందుకొస్తారు.. అంతేగానీ ఇట్లా అందరి ముందర బౌలర్ ఇజ్జత్ తీయరంటూ ట్విట్టర్ (X) వేదికగా విమర్శల వర్షం కురిపిస్తున్నారు.
కెప్టెన్గా శ్రేయస్ ట్రాక్ రికార్డ్:
2023 తర్వాత మళ్లీ ఇప్పుడే టీ20లోకి ఎంట్రీ ఇచ్చిన శ్రేయస్ అయ్యర్.. కెప్టెన్గా వ్యవహరించిన నాలుగు మ్యాచ్లలో మూడు మ్యాచ్లు ఓడిపోయిండు. మిగిలిన ఆ ఒక్క మ్యాచ్ కూడా వాన పడి రద్దయింది.. అయ్యర్కు ప్రెస్ మీట్ లలో ఎట్లా మాట్లాడాలో అస్సలు తెల్వదని, ఇట్లాంటి చెత్త లీడర్షిప్ ఉంటే కష్టమని ఫ్యాన్స్ తెగ కామెంట్లు పెడుతున్నారు. ప్రస్తుతం ఈ టాపిక్ నెట్లలో ఫుల్ ట్రెండింగ్లో నడుస్తాంది.
same vibes 😭😭😭 https://t.co/rSXEnj6mhK pic.twitter.com/XbYDa6QNSB
— soo washed (@anubhav__tweets) July 4, 2026