Aamir KhanThird Marriage: బాలీవుడ్ స్టార్ హీరో, మిస్టర్ పర్ఫెక్షనిస్ట్ ఆమిర్ ఖాన్ జీవితంలో జూలై 5 (ఈరోజు) చాలా ప్రత్యేకమైన రోజుగా నిలిచిపోనుంది. 59 ఏళ్ల ఆమిర్ ఖాన్ ఈరోజు తన లాంగ్ టైమ్ గర్ల్ఫ్రెండ్ గౌరీ స్ప్రాట్ను మూడో వివాహం చేసుకోబోతున్నారు. ముంబైలోని ఆమిర్ నివాసంలో అత్యంత నిరాడంబరంగా, సన్నిహితుల సమక్షంలో ఈ మ్యారేజ్ జరగనుంది. ఇరు కుటుంబ సభ్యులతో పాటు చిత్ర పరిశ్రమకు చెందిన సుమారు 150 మంది అతిథులు ఈ వేడుకకు హాజరుకానున్నారు. ఆమిర్ ముగ్గురు పిల్లలు కూడా ఈ పెళ్లిలో భాగం కావడం విశేషం.
ఎవరీ గౌరీ స్ప్రాట్..
లైమ్లైట్కు దూరంగా ఉండే గౌరీ స్ప్రాట్ బ్యాక్గ్రౌండ్ చాలా ఆసక్తికరంగా ఉంటుంది. ఆమె తల్లి తమిళురాలు కాగా, తండ్రి ఐరిష్ వ్యక్తి. పలు నివేదికల ప్రకారం.. గౌరీ తాతగారు భారతదేశ స్వాతంత్ర్య సమరయోధుడు. ఉన్నత విద్యావంతురాలైన గౌరీ, లండన్లోని ‘యూనివర్శిటీ ఆఫ్ ది ఆర్ట్స్’ నుంచి ఫ్యాషన్, స్టైలింగ్, ఫోటోగ్రఫీలో ఎఫ్డిఎ (FDA) డిగ్రీ పూర్తి చేశారు. వృత్తిరీత్యా ఆమె ప్రొఫెషనల్ హెయిర్డ్రెస్సర్. ప్రస్తుతం ఆమె ‘ఆమిర్ ఖాన్ ఫిల్మ్స్’ ప్రొడక్షన్ హౌస్లో కీలక బాధ్యతలు నిర్వర్తిస్తున్నారు.
25 ఏళ్ల పరిచయం..
వ్యక్తిగత జీవితంలో గౌరీకి ఇదివరకే వివాహమై విడాకులు తీసుకున్నారు. ఆమెకు ఒక కుమారుడు కూడా ఉన్నాడు. కాగా, ఆమిర్ ఖాన్కు, గౌరీకి 25 ఏళ్లుగా పరిచయం ఉంది. గతేడాది (2025) తన 60వ పుట్టినరోజు సందర్భంగా ఆమిర్ తమ రిలేషన్షిప్ను అధికారికంగా ప్రకటించారు. ఏడాదిన్నర క్రితం మళ్లీ కలిసిన తాము, ఇప్పుడు పెళ్లి పీటలెక్కుతున్నట్లు స్పష్టం చేశారు. ఆమిర్కు గతంలో రీనా దత్తా, కిరణ్ రావులతో వివాహం జరిగి విడాకులతో ముగిసిన సంగతి తెలిసిందే. విడాకుల తర్వాత కూడా ఆమిర్ తన ఇద్దరు మాజీ భార్యలతో స్నేహపూర్వక సంబంధాన్ని కొనసాగిస్తున్నారు.