టీ, కాఫి ముందు లేదా తర్వాత నీరు? సరైన సమయం ఏది?

చాలామందికి ఉదయం లేవగానే వేడివేడిగా టీ లేదా కాఫీ పడాల్సిందే. ఆ కప్పు దించితే గానీ రోజు గడవదు. అయితే, ఈ మధ్య కాలంలో టీ, కాఫీలు తాగే ముందు నీళ్లు తాగే అలవాటు చాలామందిలో కనిపిస్తోంది. అసలు ఈ అలవాటు మంచిదేనా? టీ తాగే ముందు నీళ్లు తాగాలా, తర్వాత తాగాలా? అలా తాగకపోతే ఎలాంటి ఆరోగ్య సమస్యలు వస్తాయి? ఈ విషయాలన్నీ ఇప్పుడు వివరంగా తెలుసుకుందాం.

కడుపులో మంటకు చెక్మనం పరగడుపున లేదా ఖాళీ కడుపుతో టీ, కాఫీలు తాగినప్పుడు అందులో ఉండే కెఫీన్ వల్ల కడుపులో యాసిడ్స్ ఎక్కువగా ఉత్పత్తి అవుతాయి. దీనివల్ల కడుపులో మంట, అజీర్ణం, గ్యాస్ వంటి సమస్యలు మొదలవుతాయి. అదే టీ తాగడానికి ఒక 15 నిమిషాల ముందు ఒక గ్లాసు నీళ్లు తాగితే, అది కడుపులోని పీహెచ్  స్థాయిలను సమతుల్యం చేస్తుంది. ఫలితంగా ఎసిడిటీ సమస్య దరిచేరదు.టానిన్ల ప్రభావం తగ్గుతుందిటీ, కాఫీలలో ‘టానిన్’ అనే రసాయన పదార్థం ఉంటుంది.

ఇది మన పేగుల్లోని కణజాలాన్ని ఇబ్బంది పెడుతుంది. దీనివల్ల కొందరికి కడుపునొప్పి, వికారం, వాంతులు అయినట్లు అనిపిస్తుంది. టీ తాగే ముందు నీళ్లు తాగడం వల్ల ఈ టానిన్ల ప్రభావం మన పొట్టపై పడకుండా రక్షణ లభిస్తుంది. జీర్ణవ్యవస్థ సాఫీగా సాగుతుంది. ఇక డీహైడ్రేషన్ ముప్పు ఉండదుకెఫీన్ ఎక్కువగా ఉండే పానీయాలు తాగడం వల్ల శరీరంలో నీటి శాతం తగ్గిపోతుంది. అంటే టీ, కాఫీలు మనల్ని డీహైడ్రేషన్‌కు గురిచేస్తాయి. అందుకే ఇవి తాగే ముందు ఒక గ్లాసు నీరు తీసుకోవడం వల్ల శరీరంలో తగినంత తేమ ఉంటుంది.

ఇక బాడీ డీహైడ్రేట్ కాకుండా యాక్టివ్‌గా ఉంటుంది. అంతేకాక పళ్లు పాడవకుండా ఉంటాయిటీ, కాఫీలు ఎక్కువగా తాగే వారిలో పళ్లు పచ్చగా మారడం, దంతక్షయం వంటి సమస్యలు చూస్తుంటాం. వీటిలోని రసాయనాలు పంటిపై ఉండే ఎనామిల్‌ను పాడు చేస్తాయి. అయితే, ముందుగా నీళ్లు తాగడం వల్ల పంటిపై ఒక రక్షణ పొర ఏర్పడి, ఆ వేడి పానీయాల వల్ల పళ్లకు జరిగే నష్టం చాలా వరకు తగ్గుతుంది.

ఇక టీ లేదా కాఫీ తాగిన వెంటనే నీళ్లు తాగడం అస్సలు మంచిది కాదు. ఎందుకంటే వేడి పానీయం తాగిన వెంటనే చల్లటి నీరు తాగితే నోటి ఉష్ణోగ్రత మారిపోయి పంటి నరాలు దెబ్బతింటాయి. అలాగే జీర్ణక్రియ కూడా మందగిస్తుంది. ఒకవేళ తాగాలనుకుంటే టీ తాగిన అరగంట తర్వాతే నీళ్లు తాగాలి. కాబట్టి అన్నిటికంటే ఉత్తమమైన సమయం టీ తాగడానికి 15 నిమిషాల ముందే నీరు తాగటం.

ఇక చిన్న అలవాటే అయినా, టీ లేదా కాఫీ తాగే ముందు ఒక గ్లాసు నీళ్లు తాగడం వల్ల ఎన్నో ఆరోగ్య ప్రయోజనాలు ఉన్నాయి. రోజుకు నాలుగైదు సార్లు కాకుండా పరిమితంగా టీ తాగుతూ ఈ చిట్కా పాటిస్తే మీ ఆరోగ్యాన్ని కాపాడుకోవచ్చు.

The post టీ, కాఫి ముందు లేదా తర్వాత నీరు? సరైన సమయం ఏది? appeared first on Manalokam – Latest Telugu News & Updates.