ఎండలు ఎక్కువగా ఉన్నప్పుడు ఏసీ వాడటం మనకు అలవాటే. అయితే హఠాత్తుగా వాతావరణం మారి వర్షం పడుతున్నప్పుడు కూడా చాలామంది ఏసీ ఆన్ చేస్తుంటారు. ఇటీవలే రెండు తెలుగు రాష్ట్రాల్లో భారీ వర్షాలు కురిసిన సంగతి మనకు తెలిసిందే. మరి ఇలా బయట వర్షం పడుతున్నప్పుడు లోపల ఏసీ ఆన్ చేయడం సురక్షితమేనా? అలా చేస్తే ఏసీ పాడైపోతుందా? ఈ విషయాలన్నీ ఇప్పుడు క్లియర్గా తెలుసుకుందాం.
చిన్నపాటి వర్షమైతే ఓకే: మీ ఇంట్లో స్ప్లిట్ ఏసీ ఉన్నా, విండో ఏసీ ఉన్నా.. బయట తేలికపాటి లేదా చిన్నపాటి వర్షం పడుతున్నప్పుడు ఏసీ ఆన్ చేసుకోవడం వల్ల ఎలాంటి ప్రమాదం ఉండదు. ఇక నిజానికి, ఆ కాస్తో కూస్తో పడే వర్షం వల్ల బయట ఉండే ఏసీ అవుట్డోర్ యూనిట్ పై పేరుకుపోయిన దుమ్ము, ధూళి శుభ్రం అవుతాయి. కాబట్టి లైట్ వర్షానికి కంగారు పడాల్సిన పనిలేదు.
భారీ వర్షాలు, తుఫానులప్పుడు వద్దు: బయట ఉరుములు, మెరుపులతో కూడిన భారీ వర్షం లేదా తుఫాను వస్తున్నప్పుడు మాత్రం ఏసీని అస్సలు ఆన్ చేయకూడదు. ఇక ఏసీ అవుట్డోర్ యూనిట్లు వర్షాన్ని తట్టుకునేలా తయారైనప్పటికీ, భారీ తుఫానుల వల్ల అవి దెబ్బతినే అవకాశం ఉంది. అందుకే పెద్ద వర్షం పడుతున్నప్పుడు ఏసీని ఆఫ్ చేసి ఉంచడమే అందరికీ మంచిది.
కరెంట్ షాక్ల ముప్పు: వర్షం పడేటప్పుడు విద్యుత్ భద్రత చాలా ముఖ్యం. వైరింగ్లో ఏ చిన్న లోపం ఉన్నా, గోడలు తడిసినప్పుడు కరెంట్ షార్ట్ సర్క్యూట్ అయ్యే ప్రమాదం ఉంది. ఇక మీ ఏసీ కరెంట్ సప్లై బోర్డు లేదా వైర్లు వర్షపు నీటి వల్ల తడిసే అవకాశం ఉంటే, వెంటనే ఏసీ ప్లగ్ తీసేయాలి. వైరింగ్ అంతా పక్కాగా డ్రైగా ఉంటేనే వాడాలి.
ఏసీ కాయిల్స్ పాడయ్యే ఛాన్స్: భారీ వర్షంలో ఏసీని రన్ చేయడం వల్ల కొన్ని సాంకేతిక సమస్యలు వస్తాయి. వర్షపు నీరు ఏసీ కాయిల్స్ను పూర్తిగా తడిపేయడం వల్ల, ఏసీ సాధారణం కంటే వేగంగా వేడెక్కిపోయే అవకాశం ఉంది. అంతేకాదు, విండో ఏసీలు ఉన్నప్పుడు వర్షపు నీరు ఏసీ ద్వారా గది లోపలికి వచ్చే ప్రమాదం కూడా ఉంటుంది.
ఇక చిన్న చినుకులు పడుతున్నప్పుడు ఏసీ వేసుకుంటే ఎలాంటి ఇబ్బంది లేదు కానీ, గాలి వాన, ఉరుములు వస్తున్నప్పుడు మాత్రం రిస్క్ తీసుకోకుండా ఏసీని ఆఫ్ చేయడమే మంచిది. దీనివల్ల మీ ఏసీ లైఫ్ పెరగడమే కాకుండా, ఇంట్లో అందరికీ రక్షణ ఉంటుంది.
The post బయట వర్షం… లోపల AC… ఇది సేఫ్ ఆ? తెలుసుకోండి! appeared first on Manalokam – Latest Telugu News & Updates.