ఫిఫా వరల్డ్‌కప్ తర్వాత క్రిస్టియానో రొనాల్డో రిటైర్మెంట్.. సిస్టర్ పోస్టుతో షాక్లో ఫ్యాన్స్!

Cristiano Ronaldo Retirement: పోర్చుగల్ వర్సెస్ క్రొయేషియా మధ్య టొరంటోలో జరిగిన ఫిఫా వరల్డ్ కప్ 2026 రౌండ్ ఆఫ్ 32 మ్యాచ్‌కు ముందు క్రిస్టియానో రోనాల్డో సోదరి ఒక సంచలన విషయాన్ని వెల్లడించింది. ఫిఫా వరల్డ్ కప్‌లో పోర్చుగల్ జట్టుకు కెప్టెన్‌గా వ్యవహరిస్తున్న రోనాల్డో, ఈ మెగా టోర్నీ ముగిసిన తర్వాత అంతర్జాతీయ ఫుట్‌బాల్‌కు రిటైర్మెంట్ ప్రకటించనున్నట్లు ఆమె పేర్కొన్నారు. క్రొయేషియాతో మ్యాచ్ నాకౌట్ కావడంతో, తమ అభిమాన ఆటగాడిని అంతర్జాతీయ జెర్సీలో చూడటం ఇదే చివరిసారేమోనని ఫ్యాన్స్ ఆందోళనకు గురయ్యారు.

రిటైర్మెంట్‌పై రోనాల్డో క్లారిటీ: 
టోర్నమెంట్‌ మధ్యలో రిటైర్మెంట్‌పై ఎలాంటి ఆలోచన లేని (reckless) నిర్ణయం తీసుకోనని స్వయంగా రోనాల్డో స్పష్టం చేస్తూ అభిమానులను శాంతింపజేశారు. గురువారం క్రొయేషియాపై 2–1 తేడాతో గెలిచిన అనంతరం ఆయన మాట్లాడుతూ.. ప్రస్తుతానికి తన దృష్టి అంతా కేవలం టోర్నమెంట్‌పైనే ఉందని, పోర్చుగల్ ప్రయాణం ముగిసిన తర్వాతే తన భవిష్యత్తుపై నిర్ణయం తీసుకుంటానని తన సోదరి చేసిన వ్యాఖ్యలను కొట్టిపారేశారు. నేను ఆలోచన చేయకుండా తొందరపాటు నిర్ణయాలు తీసుకోను.. నా భవిష్యత్తు ఏంటనేది ఈ టోర్నమెంట్ పూర్తయ్యాకే నిర్ణయించుకుంటాను, ఇప్పుడు కాదని రోనాల్డో పేర్కొన్నారు. 

చారిత్రాత్మక రికార్డు సృష్టించిన రోనాల్డో:
* అత్యంత వృద్ధ ఆటగాడిగా రికార్డు: ఫిఫా వరల్డ్ కప్ నాకౌట్ మ్యాచ్‌లో గోల్ చేసిన అత్యంత వృద్ధ ఆటగాడిగా (41 సంవత్సరాల 147 రోజులు) రోనాల్డో నిలిచారు.
* మొదటి నాకౌట్ గోల్: తన కెరీర్‌లో రికార్డు స్థాయిలో 6వ వరల్డ్ కప్ ఆడుతున్న రోనాల్డోకు.. వరల్డ్ కప్ నాకౌట్ మ్యాచ్‌లలో ఇదే తొలి గోల్ కావడం విశేషం.
* ప్లేయర్ ఆఫ్ ది మ్యాచ్: మ్యాచ్ మొత్తం అద్భుత ప్రదర్శన చేసినందుకు గాను ఆయనకు ప్లేయర్ ఆఫ్ ది మ్యాచ్ అవార్డు దక్కింది.

లూకా మోడ్రిచ్‌పై ప్రశంసలు:
మ్యాచ్ అనంతరం క్రొయేషియా కెప్టెన్ లూకా మోడ్రిచ్ గురించి క్రిస్టియానో రోనాల్డో మాట్లాడుతూ… నేను, లూకా కలిసి రియల్ మాడ్రిడ్ తరఫున చాలా ఏళ్లు ఆడాం.. మా ఇద్దరి వయసు దాదాపు ఒకటే.. అతను ఒక లెజెండ్, ఎప్పటికీ లెజెండ్‌గానే ఉంటాడు.. నేను అతనితో చాలాసార్లు చెప్పాను.. లూకా, నీ ప్రయాణానికి అభినందనలు, నిన్ను మళ్లీ చూడటం ఎప్పుడూ నాకు సంతోషాన్ని ఇస్తుంది మిత్రమా అని రోనాల్డో భావోద్వేగానికి గురయ్యాడు. ఈ మ్యాచ్‌తో లూకా మోడ్రిచ్ వరల్డ్ కప్ కెరీర్ ముగిసినట్లయింది.

ALSO READ : వరల్డ్‌కప్ నాకౌట్స్‌లో రొనాల్డో తొలి గోల్.. రౌండ్–16లోకి పోర్చుగల్‌

క్రొయేషియాపై పోర్చుగల్ గెలుపు: 
మ్యాంచెస్టర్ సిటీ ఫార్వర్డ్, క్రొయేషియా ఆటగాడు ఇవాన్ పెరిసిక్ తొలి గోల్ చేసి క్రొయేషియాకు ఆధిక్యాన్ని అందించాడు. అయితే, 67వ నిమిషంలో VAR సమీక్ష తర్వాత పోర్చుగల్‌కు లభించిన పెనాల్టీని రోనాల్డో గోల్‌గా మలిచి స్కోరును సమం చేశాడు. చివరి నిమిషాల్లో (స్టాపేజ్ టైమ్‌లో) సబ్‌స్టిట్యూట్ ప్లేయర్ గోన్సాలో రామోస్ హెడర్ ద్వారా అద్భుత గోల్ చేయడంతో పోర్చుగల్ 2–1తేడాతో విజయాన్ని సొంతం చేసుకుంది. ఈ గెలుపుతో రౌండ్ ఆఫ్ 16లో పోర్చుగల్ జట్టు స్పెయిన్‌తో తలపడనుంది. 

🗣️ Cristiano Ronaldo: “He jugado con Luka y durante muchos años, y tenemos casi la misma edad, es una LEYENDA y sigue siendo una LEYENDA.

Le he dicho muchas veces: Luka, felicitaciones por todo, siempre me alegra verte de nuevo amigo.”

🥹🥹💔 pic.twitter.com/nD129vQfaQ

— (fan) REAL MADRID FANS 🤍 (@AdriRM33) July 3, 2026