ఇదేం ఫుట్‌బాల్ మ్యాచ్ రా బాబు.. గ్రౌండ్‌లోనే కొట్టుకున్న ఫ్రాన్స్- పరాగ్వే ప్లేయర్స్!

France vs Paraguay Clash: ఫిఫా ప్రపంచకప్ (FIFA World Cup 2026) క్వార్టర్ ఫైనల్స్ రేసు ఊహించని వివాదాలకు వేదికవుతోంది. ఫ్రాన్స్, పరాగ్వే జట్ల మధ్య జరిగిన రౌండ్ ఆఫ్ 16 మ్యాచ్‌లో కేవలం ఫుట్‌బాల్ ఆట మాత్రమే కాదు.. అంతకుమించిన కొట్లాటలు జరిగాయి. ఫ్రాన్స్ కెప్టెన్ కిలియన్ ఎంబాప్పే (Kylian Mbappe) టార్గెట్‌గా పరాగ్వే ప్లేయర్లు చేసిన ఫిజికల్ అటాక్స్ మైదానాన్ని రణరంగంగా మార్చాయి. మ్యాచ్ ముగిసిన తర్వాత కూడా ఎంబాప్పే మరో వివాదానికి తెరలేపడంతో ఈ మ్యాచ్ ఇప్పుడు సోషల్ మీడియాలో ట్రెండింగ్‌గా మారింది.

మొదటి హాఫ్ రౌడీయిజం.. ఎంబాప్పేపై దాడితో లొల్లి స్టార్ట్: 
ఫ్రాన్స్ స్టార్ ప్లేయర్ ఎంబాప్పేను ఎలాగైనా అడ్డుకోవాలనే ప్లాన్‌తో పరాగ్వే జట్టు మొదటి నుంచే దూకుడు ఆటతీరు (Aggressive game plan) ప్రదర్శించింది. మొదటి హాఫ్ మధ్యలో పరాగ్వే డిఫెండర్ ఒకరు ఎంబాప్పేను చాలా కింద పడేశాడు. ఈ టాకిల్‌తో ఒక్కసారిగా అగ్గిమీద గుగ్గిలమైన ఫ్రాన్స్ ప్లేయర్లు పరాగ్వే ఆటగాళ్లతో గొడవకు దిగారు. ఇరు జట్ల ప్లేయర్స్ ఒకరినొకరు నెట్టుకుంటూ, బూతులు తిట్టుకుంటూ పెద్ద గొడవకు దిగడంతో రెఫరీలు రంగంలోకి దిగి చాలా కష్టం మీద పరిస్థితిని ఆదుపులోకి తీసుకొచ్చారు.  

మ్యాచ్ తర్వాత కీపర్‌తో లొల్లి: 
ఈ మ్యాచ్‌లో ఫ్రాన్స్ 1–0తో గెలిచి క్వార్టర్స్‌కు చేరినప్పటికీ, అసలైన ఫైట్ మ్యాచ్ అయిపోయిన తర్వాత చోటు చేసుకుంది. మ్యాచ్ ముగిసిన అనంతరం పరాగ్వే గోల్‌కీపర్ ఓర్లాండో గిల్ (Orlando Gill) క్రీడా స్ఫూర్తితో ఎంబాప్పేకు హ్యాండ్‌షేక్ (Handshake) ఇవ్వడానికి చేయి చాచాడు. కానీ, ఎంబాప్పే అతనిని పూర్తిగా ఇగ్నోర్ చేస్తూ ముందుకు వెళ్ళిపోయాడు. దీంతో తీవ్ర అవమానానికి గురైన గోల్ కీపర్ ఓర్లాండో గిల్.. కోపంతో బాల్‌ను నేరుగా ఎంబాప్పే వైపు విసిరికొట్టాడు. దీంతో ఇద్దరి మధ్య మళ్లీ మైదానంలోనే కొట్లాట స్టార్ట్ అయింది.  

వివాదాల మధ్య క్వార్టర్స్‌కు ఫ్రాన్స్: 
పరాగ్వే జట్టు ఎంత కఠినంగా ఆడి, మానసికంగా దెబ్బతీయాలని చూసినా ఫ్రాన్స్ జట్టు కీలక సమయంలో అద్భుతమైన సంయమనం పాటించింది. సెకండ్ హాఫ్ లో లభించిన పెనాల్టీని ఎంబాప్పే ఎంతో కూల్‌గా గోల్ చేసి ఫ్రాన్స్‌కు క్వార్టర్ ఫైనల్ బెర్త్‌ను ఖరారు చేశాడు. మైదానంలో జరిగిన ఈ పెద్ద కొట్లాట, మ్యాచ్ తర్వాత కీపర్‌తో ఎంబాప్పే ప్రవర్తనకు సంబంధించిన వీడియోలు ఇప్పుడు నెట్టింట ఫుల్ వైరల్ అవుతున్నాయి. ఎంబాప్పేకు అంత పొగరు పనికిరాదని కొందరు తిడుతుంటే.. మొత్తం మ్యాచ్ ఫిక్సింగ్ తరహాలో దాడి చేసిన పరాగ్వేకు అదే కరెక్ట్ అంటూ ఫ్రాన్స్ ఫ్యాన్స్ సపోర్ట్ చేస్తున్నారు.

HEAT UP BW FRANCE AND PARAGUAY

PARAGUAY PLAYERS PUSHED DICTATOR MBAPPE !!!!!!!!!pic.twitter.com/Qju089KPEJ

— Kanishk (@jeene2yarr) July 4, 2026