South Africa Women: మహిళల క్రికెట్లో సౌతాఫ్రికా (SA) జట్టుకు నాకౌట్ శాపం మళ్లీ వెంటాడింది. ఒకటి కాదు, రెండు కాదు.. వరుసగా సెమీఫైనల్స్, ఫైనల్స్ దాకా వెళ్లడం, అక్కడ ఒత్తిడికి గురై రన్నరప్తో సరిపెట్టుకోవడం సౌతాఫ్రికా జట్టుకు అలవాటుగా మారింది. నిన్న (జులై 2న) ఇంగ్లాండ్తో జరిగిన సెమీస్లో ఘోర పరాజయాన్ని చవిచూసింది. లీగ్ మ్యాచ్లలో అద్భుతమైన ప్రదర్శనతో అదరగొట్టే ప్రొటీస్ జట్టు, తీరా కీలకమైన సెమీస్ మ్యాచ్ వచ్చేసరికి ఒత్తిడికి లోనై చేతులెత్తేస్తోంది. నిన్నటి మ్యాచ్లోనూ అదే తప్పు పునరావృతం కావడంతో సౌతాఫ్రికా మరోసారి టోర్నీ నుంచి నిష్క్రమించాల్సిన పరిస్థితి నెలకొంది.
1997 నుంచి నేటికీ తీరని కోరిక!
ప్రపంచకప్ను ముద్దాడాలనే సౌతాఫ్రికా మహిళల జట్టు కల 1997 నుంచి నేటికీ కలగానే మిగిలిపోయింది. గత మూడు దశాబ్దాలుగా ఎన్నోసార్లు టైటిల్ గెలిచే అవకాశానికి అత్యంత సమీపంలోకి వచ్చినా, చివర్లో ఒత్తిడిని అధిగమించలేక ప్రతిసారీ గుండెకోతనే మిగుల్చుకుంటోంది. ఈ నాకౌట్ ఫోబియాను వీడి ప్రొటీస్ జట్టు ఎప్పుడు ప్రపంచ ఛాంపియన్గా అవతరిస్తుందో అని ఆ దేశ క్రికెట్ అభిమానులు ఆవేదన వ్యక్తం చేస్తున్నారు.
ALSO READ : సౌతాఫ్రికాని ఓడించిన ఇంగ్లాండ్.. ఫైనల్లో ఆస్ట్రేలియాతో బ్లాక్బస్టర్ పోరు
సౌతాఫ్రికా జట్టు నాకౌట్ ఓటములు:
* 1997 వన్డే వరల్డ్ కప్ (ODI WC) క్వార్టర్ ఫైనల్లో ఓటమి
* 2014 టీ20 వరల్డ్ కప్ (T20 WC) సెమీఫైనల్లో పరాజయం
* 2017 వన్డే వరల్డ్ కప్ (ODI WC) సెమీస్ లో నిరాశ
* 2020 టీ20 వరల్డ్ కప్ (T20 WC)సెమీఫైనల్లో ఓటమి
* 2022 వన్డే వరల్డ్ కప్ (ODI WC)సెమీఫైనల్లో పరాజయం
* 2023 టీ20 వరల్డ్ కప్ (T20 WC)ఫైనల్లో ఓటమి (రన్నరప్)
* 2024 టీ20 వరల్డ్ కప్ (T20 WC)ఫైనల్లో పరాజయం
* 2025 అండర్-19 వరల్డ్ కప్ (U19 WC)ఫైనల్లో నిరాశ (రన్నరప్)
* 2025 వన్డే వరల్డ్ కప్ (ODI WC)ఫైనల్లో ఓటమి (రన్నరప్)