ఈ రోజుల్లో మారిన ఆహార అలవాట్ల వల్ల చాలామందిని వేధించే ప్రధాన సమస్య మలబద్ధకం మరియు గ్యాస్. మనం తిన్న ఆహారం సక్రమంగా అరిగి పొట్ట ఫ్రీగా ఉండాలంటే మన డైట్లో ‘ఫైబర్’ ఉండటం చాలా ముఖ్యం. కరిగేవి కరగనివి అనే రెండు రకాల ఫైబర్లు మనకు సమతుల్య ఆహారం ద్వారా అందుతాయి. ఇవి మన పేగుల ఆరోగ్యాన్ని మెరుగుపరిచి జీర్ణక్రియను సూపర్ ఫాస్ట్గా మారుస్తాయి. మరి ఈ ఫైబర్ బ్లెండ్తో మలబద్ధకానికి ఎలా చెక్ పెట్టవచ్చో ఇప్పుడు చూద్దాం.
రెండు రకాల ఫైబర్ల మ్యాజిక్: మన శరీరానికి ‘కరిగే ఫైబర్’ ‘కరగని ఫైబర్’ అనే రెండు రకాలు అవసరం. కరిగే ఫైబర్ నీటిలో కలిసి ఒక జెల్ లాగా తయారవుతుంది. ఇక ఇది మలాన్ని మృదువుగా మార్చి పేగులలో ఆహారం సులభంగా కదిలేలా చేస్తుంది. ఇక కరగని ఫైబర్ నీటిలో కరగదు కానీ ఇది మలానికి అవసరమైన బరువును చేకూర్చి పొట్టను తేలికగా క్లీన్ అవ్వడానికి సహాయపడుతుంది.
మలబద్ధకాన్ని తరిమికొట్టే ఆహారాలు: మీ పొట్ట సమస్యలు తగ్గాలంటే,జీర్ణక్రియ మెరుగుపడాలంటే రోజూ తినే ఆహారంలో పీచు పదార్థాలు ఎక్కువగా ఉండేలా చూసుకోవాలి. ఇక అందుకోసం ఓట్స్, బ్రౌన్ రైస్, జొన్నలు, సజ్జలు వంటి తృణధాన్యాలను డైట్లో చేర్చుకోవాలి. అలాగే పెసర్లు, కందిపప్పు, శనగలు, బఠానీలతో పాటు తోలు తీయని ఆపిల్స్, జామకాయలు బేరి పండ్లు, అరటిపండ్లు మరియు ఆకుకూరలు ఎక్కువగా తింటూ ఉండాలి.
సూపర్ సీడ్స్తో మరింత లాభం: ఈ మధ్యకాలంలో అందరూ ఎక్కువగా వాడుతున్న అవిసె గింజలు, చియా విత్తనాలలో ఫైబర్ కంటెంట్ చాలా ఎక్కువగా ఉంటుంది. ఇక వీటిని ఉదయాన్నే నీళ్లలో నానబెట్టుకుని తాగడం లేదా సలాడ్స్పై చల్లుకుని తినడం వల్ల ఫైబర్ బ్లెండ్ శరీరానికి బాగా అందుతుంది. ఇవి శరీరంలో పేరుకుపోయిన వ్యర్థాలను బయటకు పంపడంలో అద్భుతంగా పనిచేస్తాయి.
ఒక్కసారిగా కాకుండా క్రమంగా పెంచండి: ఫైబర్ ఆరోగ్యానికి మంచిది కదా అని మొదటి రోజే పీచు పదార్థాలు ఉన్న ఆహారాన్ని విపరీతంగా తినేయకూడదు. ఇక అలా చేస్తే కడుపు ఉబ్బరం లేదా గ్యాస్ రావచ్చు. అందుకే మీ రోజువారీ డైట్లో కొద్దికొద్దిగా ఫైబర్ క్వాంటిటీని పెంచుకుంటూ పోవాలి. దీనివల్ల మన జీర్ణవ్యవస్థ ఆ ఆహారానికి అలవాటు పడి, సజావుగా పనిచేస్తుంది.
ఇక జీర్ణక్రియ సరిగ్గా ఉంటేనే రోజంతా ఉత్సాహంగా ఉండగలం. కాబట్టి మైదాతో చేసిన ఫాస్ట్ ఫుడ్స్, జంక్ ఫుడ్స్ పక్కన పెట్టి.. మన ప్రాచీన పద్ధతిలో పీచు పదార్థాలు ఎక్కువగా ఉండే సహజ ఆహారాన్ని తీసుకోవడం అలవాటు చేసుకుందాం. ఫైబర్ బ్లెండ్ను కరెక్ట్గా ప్లాన్ చేసుకుంటే డైజెషన్ ప్రాబ్లమ్స్ అన్నీ మాయమైపోతాయి.
గమనిక: ఫైబర్ ఎక్కువగా తీసుకునేటప్పుడు శరీరంలో నీటిని అది బాగా పీల్చుకుంటుంది. అందుకే రోజుకు కనీసం 2.5 నుండి 3 లీటర్ల నీరు తప్పనిసరిగా తాగాలి. నీళ్లు సరిగ్గా తాగకపోతే మలబద్ధకం తగ్గడానికి బదులు మరింత ఎక్కువయ్యే ప్రమాదం ఉంది, కాబట్టి జాగ్రత్త..
The post డైజెషన్ ప్రాబ్లమ్స్కు చెక్… ఫైబర్ బ్లెండ్తో రిలీఫ్! appeared first on Manalokam – Latest Telugu News & Updates.