హైదరాబాద్, వెలుగు: గతేడాది ఎస్సెస్సీ స్పాట్ విధులు నిర్వహించిన టీచర్లకు రెమ్యునరేషన్ ఇవ్వాలని కోరుతూ మంగళవారం అన్ని టెన్త్ స్పాట్ కేంద్రాల వద్ద నిరసన చేయనున్నట్టు టీటీజేఏసీ, యూఎస్పీసీ, జాక్టో సంఘాల జేఏసీ ప్రకటించింది. ఎస్సెస్సీ స్పాట్ వ్యాల్యుయేషన్, కులగణన విధులకు సంబంధించిన పారితోషికం బకాయిలను విడుదల చేయాలని డిమాండ్ డిమాండ్ చేసింది.
మంగళవారం మధ్యాహ్నం భోజన విరామ సమయంలో టీచర్లంతా ఈ ఆందోళనల్లో పాల్గొనాలని పిలుపునిచ్చింది. ప్రభుత్వం నిర్వహించిన కులగణన విధులు పూర్తి చేసి దాదాపు18 నెలలు గడుస్తున్నా నేటికీ దాని పారితోషికం చెల్లించలేదని నేతలు పేర్కొన్నారు.