ఇటీవలి కాలంలో గుండెపోటు సమస్యలు వృద్ధులలోనే కాకుండా యువతలోనూ సంభవిస్తున్నాయి. దీనికి తోడు గుండె సంబంధిత సమస్యలు, అధిక రక్తపోటు, కొలెస్ట్రాల్, రక్తనాళాల అడ్డంకులు, గుండె స్పందన రేటులో హెచ్చుతగ్గులు కూడా వయసుతో సంబంధం లేకుండా పిల్లల నుంచి పెద్దల వరకు అందరిలోనూ కనిపిస్తున్నాయి. జీవనశైలిలో మార్పులు, సరైన ఆహారం తీసుకోకపోవడం, పెరుగుతున్న ఒత్తిడి, శారీరక శ్రమ లేకపోవడం ఇందుకు ప్రధాన కారణాలు. ఎక్కువసేపు పనిచేసేవారు, నిరంతరం ఒత్తిడికి లోనయ్యేవారు, కుటుంబంలో గుండె జబ్బుల సమస్యలు ఉన్నవారికి ఈ ప్రమాదం కాస్త ఎక్కువగా ఉంటుంది. యువతలో పెరుగుతున్న ఈ సమస్యను అస్సలు నిర్లక్ష్యం చేయకూడదు. అసలు దీనికి కారణమేమిటి, లక్షణాలు ఏమిటో తెలుసుకుని, ఈ సమస్య పెరగకుండా నివారించడం ఎలాగో నిపుణుల మాటల్లో మీ కోసం..
చిన్న వయసులో గుండెపోటు రావడానికి కారణాలు
- ఎక్కువ సేపు కూర్చోవడం, వ్యాయామం చేయకపోవడం
- జంక్ ఫుడ్, అధిక నూనె గల ఆహార పదార్థాల వినియోగం
- నిద్రలేమి, రాత్రిపూట ఆలస్యంగా మేల్కొని ఉండటం
- నిరంతర ఒత్తిడి, కోపం, మానసిక ఉద్రిక్తత
- ధూమపానం, మద్యం సేవించడం
గుండెపోటుకు ముందు కనిపించే లక్షణాలు
- ఛాతీలో నొప్పి లేదా ఒత్తిడి
- చేయి, మెడ లేదా వీపులో నొప్పి
- శ్వాస ఆడకపోవడం
- అకస్మాత్తుగా అధికంగా చెమట పట్టడం
- తలతిరగడం, బలహీనత
- వాంతులు
ఏయే జాగ్రత్తలు తీసుకోవాలి?
- ఆరోగ్యకరమైన జీవనశైలిని అలవర్చుకోవడం.
- ప్రతిరోజూ వ్యాయామం చేయడం, నడవడం అలవాటు చేసుకోవడం.
- సమతుల్యమైన, ఆరోగ్యకరమైన ఆహారం తీసుకోవడం.
- జంక్ ఫుడ్కు వీలైనంత దూరంగా ఉండటం.
- ఒత్తిడిని తగ్గించుకోవడానికి యోగా, ధ్యానం చేయడం.
- బాగా నిద్రపోవడం.
- క్రమం తప్పకుండా ఆరోగ్య పరీక్షలు చేయించుకోవడం.
మరిన్ని ఆరోగ్య కథనాల కోసం క్లిక్ చేయండి.