సాధారణంగా పండ్లు తినడం ఆరోగ్యానికి ఎంతో మేలు చేస్తుందని మనకు తెలుసు. ముఖ్యంగా గర్భధారణ (Pregnancy) సమయంలో కాబోయే తల్లికి, కడుపులోని బిడ్డకు పోషకాలు అందడం కోసం ఎక్కువ పండ్లు తినమని పెద్దలు చెబుతుంటారు. అయితే, ఇక్కడే ఒక ముఖ్యమైన విషయం గుర్తుపెట్టుకోవాలి. అన్ని రకాల పండ్లు గర్భిణీలకు సురక్షితం కావు. కొన్ని పండ్లు తింటే గర్భస్రావం అయ్యే ప్రమాదం లేదా పిండం ఎదుగుదలకు ఆటంకం కలిగే ఛాన్స్ ఉంది. మరి గర్భిణీలు ఏయే పండ్ల విషయంలో జాగ్రత్తగా ఉండాలో ఇప్పుడు చూద్దాం.
చింతపండు.. విటమిన్-సి ముప్పు: గర్భిణీలకు సాధారణంగా పుల్లటి వస్తువులు తినాలనే కోరిక ఎక్కువగా ఉంటుంది. ఈ క్రమంలో చింతపండును ఎక్కువగా వాడుతుంటారు. కానీ చింతపండులో విటమిన్-సి చాలా ఎక్కువగా ఉంటుంది. దీనిని అతిగా తీసుకోవడం వల్ల శరీరంలో ప్రొజెస్టిరాన్ హార్మోన్ ఉత్పత్తిపై ప్రభావం పడి, అది గర్భస్రావానికి దారితీసే అవకాశం ఉందని నిపుణులు హెచ్చరిస్తున్నారు.
బొప్పాయి, పైనాపిల్.. చాలా డేంజర్: గర్భధారణ సమయంలో బొప్పాయి (Papaya), పైనాపిల్ (Pineapple) పండ్లకు వీలైనంత దూరంగా ఉండాలి. బొప్పాయి తినడం వల్ల అది పిండం యొక్క సరైన అభివృద్ధికి ఆటంకం కలిగిస్తుంది. ఇక పైనాపిల్ విషయానికి వస్తే.. ఇది గర్భాశయ సంకోచాలను (Uterine Contractions) ప్రేరేపిస్తుంది. దీనివల్ల నెలలు నిండకుండానే ప్రసవం అవ్వడం లేదా బ్లీడింగ్ అయ్యే ప్రమాదాలు ఉన్నాయి.
పుచ్చకాయతో పెరిగే గ్లూకోజ్: పుచ్చకాయ శరీరానికి చలవ చేస్తుంది, మంచిదే కదా అనుకుంటారు. కానీ గర్భిణీలు దీనిని తినేటప్పుడు కాస్త అప్రమత్తంగా ఉండాలి. పుచ్చకాయలో ఉండే సహజ చక్కెరలు రక్తంలోని గ్లూకోజ్ స్థాయిలను ఒక్కసారిగా పెంచేస్తాయి. దీనివల్ల ప్రెగ్నెన్సీ సమయంలో వచ్చే డయాబెటిస్ బారిన పడే అవకాశం ఉంది.
అరటిపండ్లు..అలర్జీల భయం: సాధారణంగా అరటిపండ్లు ఎంతో ఆరోగ్యకరమైనవి. కానీ కొంతమంది గర్భిణీలలో ఇవి ఊహించని విధంగా అలర్జీ సమస్యలను తీసుకురావచ్చు. ఇక ముఖ్యంగా బాడీలో కొన్ని రకాల అలర్జీల హిస్టరీ ఉన్నవారు లేదా ప్రెగ్నెన్సీ సమయంలో శరీరం సెన్సిటివ్గా మారినప్పుడు అరటిపండ్లు తినడం వల్ల స్కిన్ అలర్జీలు వచ్చే ఛాన్స్ ఉంది.
గర్భధారణ అనేది ఒక మహిళ జీవితంలో అత్యంత కీలకమైన సమయం. కాబట్టి ఈ సమయంలో “అన్ని పండ్లు మంచివే కదా” అని తెలియకుండా ఏది పడితే అది తినకూడదు. ఇక కడుపులోని బిడ్డ ఆరోగ్యం కోసం పండ్లు తినే ముందు ఏవి మంచివి, ఏవి కావు అనే అవగాహన పెంచుకోవడం ప్రతి ఒక్క తల్లికి ఎంతో అవసరం.
గమనిక: ఈ సమాచారం సాధారణ ఆరోగ్య సూత్రాలు మరియు నిపుణుల హెచ్చరికల ఆధారంగా మీ అవగాహన కోసం మాత్రమే ఇవ్వబడింది. గర్భిణీలు తమ డైట్లో ఎలాంటి పండ్లను చేర్చుకోవాలి, వేటికి దూరంగా ఉండాలి అనే విషయాలపై ఖచ్చితంగా తమ గైనకాలజిస్ట్ లేదా డైటీషియన్ను సంప్రదించి వారి సలహా మేరకే నిర్ణయం తీసుకోవాలి.
The post అన్ని ఫ్రూట్స్ సేఫ్ కావు… గర్భిణీలు ఈ వాటితో జాగ్రత్త! appeared first on Manalokam – Latest Telugu News & Updates.