Kia Carens Clavis Automatic New Variants Launched: కియా ఇండియా (KIA India) ప్రీమియం ఎమ్పీవీ Carens Clavis ఆటోమేటిక్ వేరియంట్ లైనప్ను మరింత పెంచింది. తక్కువ స్పెక్ హెచ్టీఈ వేరియంట్లలో కొత్త ఆటోమేటిక్ ఆప్షన్లను అందుబాటులోకి తీసుకొచ్చింది. దీంతో ఎక్కువ ధర ఉన్న వేరియంట్లకు వెళ్లకుండానే టర్బో-పెట్రోల్ డీసీటీ, డీజిల్ ఆటోమేటిక్ ఎంపికలను పొందే అవకాశం కొనుగోలుదారులకు లభించింది.
టర్బో పెట్రోల్తో 7-స్పీడ్ డీసీటీ
టర్బో-పెట్రోల్ వేరియంట్లలో కియా 1.5-లీటర్ టీ-జీడీఐ ఇంజిన్ను అందిస్తోంది. దీనిని 7-స్పీడ్ డ్యూయల్ క్లచ్ ట్రాన్స్మిషన్తో జత చేశారు. మరోవైపు డీజిల్ వేరియంట్లో 1.5-లీటర్ సీఆర్డీఐ ఇంజిన్తో 6-స్పీడ్ ఆటోమేటిక్ గేర్బాక్స్ను అందించారు.
అదనపు ఫీచర్లు
కొత్త వేరియంట్లలో కేవలం ఆటోమేటిక్ గేర్బాక్స్ను మాత్రమే జోడించలేదు. రోజువారీ డ్రైవింగ్ను సులభతరం చేసే పలు సౌకర్యాలను కూడా కియా అందించింది. స్మార్ట్ కీ, పుష్-బటన్ స్టార్ట్, మోషన్ సెన్సర్, డ్రైవ్ మోడ్స్, ఎలక్ట్రానిక్ పార్కింగ్ బ్రేక్ వంటి ఫీచర్లు ఉన్నాయి.
హెచ్టీఈ (ఓ) వేరియంట్లో 12.5-అంగుళాల ఎల్సీడీ ఇన్స్ట్రుమెంట్ క్లస్టర్, 8-అంగుళాల టచ్స్క్రీన్ ఇన్ఫోటైన్మెంట్ సిస్టమ్ ఉన్నాయి. ఇందులో ఆండ్రాయిడ్ ఆటో, యాపిల్ కార్ప్లే సపోర్ట్ లభిస్తుంది. ఆటోమేటిక్ వెర్షన్లలో డ్రైవ్ మోడ్, స్మార్ట్ కీ విత్ పుష్-బటన్ స్టార్ట్ వంటి ఫీచర్లు కూడా అందిస్తున్నారు.
7-సీటర్గా కొనసాగింపు
ఈ కొత్త వేరియంట్లలో కూడా కారెన్స్ క్లేవిస్ 7 సీట్ల లేఅవుట్తోనే కొనసాగుతోంది. కుటుంబ అవసరాలను దృష్టిలో ఉంచుకుని రూపొందించిన ఈ ఎమ్పీవీలో ఇప్పుడు తక్కువ వేరియంట్ల నుంచే ఆటోమేటిక్ గేర్బాక్స్ ఎంపిక అందుబాటులోకి వచ్చింది. అయితే కొత్త వేరియంట్లతో డిజైన్ లేదా ప్రధాన మెకానికల్ సెటప్లో పెద్ద మార్పులు చేయలేదు.
కొత్త ఆటోమేటిక్ వేరియంట్ ధరలు
కొత్తగా ప్రవేశపెట్టిన వేరియంట్లలో హెచ్టీఈ (O) టర్బో-పెట్రోల్ డీసీటీ ధర రూ.14.67 లక్షలు (ఎక్స్-షోరూమ్)గా ఉంది. ఇది కొత్త ఆటోమేటిక్ వేరియంట్లలో ప్రారంభ ధర. ఇక హెచ్టీఈ (EX) టర్బో-పెట్రోల్ డీసీటీ ధర రూ.15.22 లక్షలు కాగా, హెచ్టీఈ (O) డీజిల్ ఆటోమేటిక్ ధర రూ.15.82 లక్షలు (ఎక్స్-షోరూమ్)గా ఉంది.
