సస్పెన్స్, థ్రిల్లర్ సినిమాలను ఇష్టపడే సినీ ప్రియులకు ఒక పర్ఫెక్ట్ సర్ప్రైజ్ ఇచ్చేందుకు వచ్చేసింది ‘మిస్సింగ్ మేఘన’ (Missing Meghana). రామ్ కార్తీక్, అమ్ము అభిరామి, వైదిక సెంజాలియా, అంకిత్ కొయ్య ప్రధాన పాత్రల్లో నటించిన ఈ మూవీకి వాచస్పతి దర్శకత్వం వహించారు. ఫస్ట్ కాపీ మూవీస్, కేడి & కో బ్యానర్లపై పంచుమర్తి నరేష్ బాబు నిర్మించారు.
ఇవాళ శుక్రవారం (సెప్టెంబర్ 18, 2026న) ఈ ఎమోషనల్ థ్రిల్లర్.. థియేటర్లలో గ్రాండ్గా విడుదలైంది. యూత్తో పాటు ఫ్యామిలీ ఆడియన్స్ను కూడా ఆకట్టుకునేలా రూపొందించిన ‘మిస్సింగ్ మేఘన’ ఎలా ఉంది? థియేటర్లలో ఆడియన్స్కు ఎలాంటి థ్రిల్ అందించింది? అనేది పూర్తి రివ్యూలో తెలుసుకుందాం..
కథేంటంటే:
మేఘన (అమ్ము అభిరామి) అనూహ్యంగా కనిపించకుండా పోవడంతో ఆమె తండ్రి శ్రీనివాసరావు (గోపరాజు రమణ) పోలీసులను ఆశ్రయిస్తాడు. కేసును ఏసీపీ అర్జున్ (కౌశిక్) చేపట్టడంతో.. సాధారణ మిస్సింగ్ కేసు కాస్తా ఆసక్తికరమైన మిస్టరీగా మారుతుంది.
దర్యాప్తులో బైక్ రైడర్ కార్తీక్ (రామ్ కార్తీక్) పేరు తెరపైకి రావడంతో కథ మరింత ఆసక్తికరంగా మారుతుంది. మేఘనతో కార్తీక్కు ఉన్న సంబంధం ఏంటి? గతంలో ఆద్య (వైదిక సెంజాలియా)తో అతని ప్రేమకథ ఏమైంది? ఈ మిస్సింగ్ కేసు వెనుక ఉన్న అసలు నిజం ఏంటి? అనేది కథలో ఉత్కంఠను పెంచుతుంది.
లవ్, క్రైమ్, డ్రగ్స్, హత్యలతో ముడిపడిన ఈ కేసులో ఒక్కో నిజం బయటపడే కొద్దీ కొత్త ప్రశ్నలు ఎదురవుతాయి. చివరకు మేఘన ఆచూకీ దొరికిందా? ఈ మిస్టరీ వెనుక ఉన్న వ్యక్తి ఎవరు? అనేది తెరపై చూడాల్సిందే.
మూవీ ఎలా ఉందంటే?
క్రైమ్, సస్పెన్స్, ఇన్వెస్టిగేషన్ థ్రిల్లర్ సినిమాలకు ప్రేక్షకుల్లో ఎప్పుడూ ప్రత్యేకమైన ఆసక్తి ఉంటుంది. ముఖ్యంగా కథలోని అసలు మిస్టరీ ఏంటి? నేరం వెనుక ఎవరు ఉన్నారు? అనే ప్రశ్నలకు సమాధానాలు తెలుసుకోవాలనే క్యూరియాసిటీని చివరి వరకు కొనసాగించగలిగితే.. అలాంటి సినిమాలు థ్రిల్లింగ్ ఎక్స్పీరియన్స్ను అందిస్తాయి. ‘మిస్సింగ్ మేఘన’ కూడా ఇదే పాయింట్ను బేస్ చేసుకుని ప్రేక్షకులను మెప్పించే ప్రయత్నం చేసింది.
ALSO READ : ‘ఇరుముడి’ ఓటీటీలోకి వచ్చేసింది..
మేఘన మిస్సింగ్తో మొదలయ్యే కథ.. ఒక్కో ఆధారం బయటపడే కొద్దీ కొత్త మలుపులు తీసుకుంటుంది. దర్శకుడు వాచస్పతి మిస్సింగ్ కేసును కేవలం ఇన్వెస్టిగేషన్కే పరిమితం చేయకుండా.. ప్రేమ, ఎమోషన్, క్రైమ్ అంశాలను కథలో మేళవించారు. ముఖ్యంగా మేఘన మిస్సింగ్ వెనుక అసలు కారణమేంటనే ఆసక్తిని ఫస్ట్ హాఫ్లో బాగానే మెయింటైన్ చేశారు. కార్తీక్ పాత్ర చుట్టూ వచ్చే సన్నివేశాలు కథకు మరో లేయర్ను యాడ్ చేస్తాయి.
సెకండాఫ్లో మిస్టరీకి సంబంధించిన ఒక్కో లింక్ బయటకు రావడంతో కథ మరింత ఇంట్రెస్టింగ్గా మారుతుంది. అయితే కొన్ని చోట్ల థ్రిల్లర్ వేగం కాస్త తగ్గినట్లు అనిపించినా.. కీలకమైన ట్విస్టులు, ఇన్వెస్టిగేషన్ సన్నివేశాలు సినిమాను ముందుకు తీసుకెళ్తాయి. కథలోని సస్పెన్స్ను ముందే పూర్తిగా రివీల్ చేయకుండా ప్రేక్షకుడిని చివరి వరకు గెస్ చేయించే ప్రయత్నం దర్శకుడు చేశాడు.
మొత్తంగా చూస్తే.. రెగ్యులర్ లవ్స్టోరీస్, కామెడీ ఎంటర్టైనర్స్కు భిన్నంగా మిస్సింగ్ కేసు చుట్టూ అల్లుకున్న క్రైమ్, సస్పెన్స్, ఎమోషన్ అంశాలతో సాగే డిఫరెంట్ థ్రిల్లర్ ఇది. ముఖ్యంగా మిస్టరీ, ఇన్వెస్టిగేషన్ జానర్ను ఇష్టపడే ప్రేక్షకులకు సినిమాలోని ట్విస్టులు, కథనం ఆసక్తిని కలిగించేలా ఉన్నాయి.
నటీనటుల పెర్ఫార్మన్స్..
రామ్ కార్తీక్ కార్తీక్ పాత్రలో తన పెర్ఫార్మెన్స్తో ఆకట్టుకున్నాడు. ఎమోషనల్ సన్నివేశాలతో పాటు ఇన్వెస్టిగేషన్ నేపథ్యంలోని సన్నివేశాల్లోనూ తన పాత్రకు తగ్గట్లుగా నటించాడు. అమ్ము అభిరామి మేఘనగా కథకు కీలకమైన పాత్రలో కనిపించి.. ఎమోషనల్ సన్నివేశాల్లో మెప్పించింది. ఆమె పాత్ర చుట్టూ ఉన్న మిస్టరీని దర్శకుడు ఆసక్తికరంగా ప్రజెంట్ చేశారు.
వైదిక సెంజాలియా ఆద్య పాత్రలో కనిపించి కథలో మరో ఎమోషనల్ యాంగిల్ను తీసుకొచ్చింది. కార్తీక్తో ఆమెకు సంబంధించిన సన్నివేశాలు కథకు అవసరమైన బ్యాక్డ్రాప్ను అందిస్తాయి. అంకిత్ కొయ్య కూడా తన పాత్ర పరిధిలో ఆకట్టుకునేలా నటించాడు. ఇక కౌశిక్ ఏసీపీ అర్జున్గా ఇన్వెస్టిగేషన్ ట్రాక్ను ముందుకు తీసుకెళ్లే పాత్రలో కనిపిస్తాడు. గోపరాజు రమణ తన అనుభవంతో తండ్రి పాత్రలో సహజమైన నటనను అందించారు.
టెక్నికల్గా..
దర్శకుడు వాచస్పతి మిస్సింగ్ కేసు, ఇన్వెస్టిగేషన్ ట్రాక్ను ఆసక్తికరంగా నడిపించే ప్రయత్నం చేశారు. సినిమాటోగ్రఫీ థ్రిల్లర్ మూడ్కు తగ్గట్టుగా ఉండగా.. ఎడిటింగ్ కథనం వేగాన్ని కాపాడింది. ముఖ్యంగా బ్యాక్గ్రౌండ్ స్కోర్ సస్పెన్స్ సన్నివేశాలకు మంచి ఇంపాక్ట్ ఇచ్చింది. నిర్మాణ విలువలు కూడా కథకు తగ్గట్టుగా ఉన్నాయి. మొత్తంగా టెక్నికల్ టీమ్ సినిమాకు అవసరమైన థ్రిల్లర్ ఫీల్ను తీసుకురావడంలో సక్సెస్ అయ్యింది.