Jofra Archer: ‘నేను ముందే చెప్పా.. సూర్యవంశీని అవుట్ చేయడం ఎలానో నాకు తెలుసని’..
భారత యువ సంచలనం వైభవ్ సూర్యవంశీని అవుట్ చేయడంపై ఇంగ్లాండ్ పేసర్ జోఫ్రా ఆర్చర్ ఆసక్తికర వ్యాఖ్యలు చేశాడు. భారత్, ఇంగ్లాండ్ జట్ల మధ్య జరిగిన మూడో టీ20 మ్యాచ్లో ఈ ఇద్దరి మధ్య ఆసక్తికర పోరు సాగింది. ఈ మ్యాచ్లో సూర్యవంశీ తన బౌలింగ్లో సిక్సర్ కొట్టడంపై ఆర్చర్ స్పందిస్తూ.. ఆ తర్వాత అతడి వికెట్ తీసి స్కోర్ సమం చేసినట్లు వ్యాఖ్యానించాడు. ఐపీఎల్ 2026 సీజన్లో వీరిద్దరూ రాజస్థాన్ రాయల్స్ జట్టులో సహచర ఆటగాళ్లు కావడం ఇక్కడ విశేషం.
రాజస్థాన్ రాయల్స్ తరఫున ఆడుతున్న సమయంలో ఒక మ్యాచ్ అనంతరం ఆర్చర్ మాట్లాడుతూ.. వైభవ్ సూర్యవంశీని అవుట్ చేయడానికి ప్రత్యర్థి జట్ల బౌలర్లు చాలా మంది ఇబ్బంది పడుతున్నారని అన్నాడు. అయితే, నెట్స్లో అతడికి నిరంతరం బౌలింగ్ వేస్తున్న క్రమంలో వైభవ్ ఏ బంతికి అవుట్ అవుతాడనే రహస్యం తనకు బాగా తెలుసని ఆర్చర్ అప్పట్లోనే ధీమా వ్యక్తం చేశాడు. కాకపోతే, ఆ రోజు ఆ విషయం చెప్పినప్పటికీ.. అది ఏ రకమైన బంతి అనేది మాత్రం తను బయటపెట్టలేదు, సస్పెన్స్గా ఉంచాడు.
తాజాగా ఇంగ్లాండ్తో జరిగిన మూడో టీ20 మ్యాచ్లో వైభవ్ సూర్యవంశీని అవుట్ చేసిన తర్వాత ఆర్చర్ మళ్లీ పాత విషయాన్ని గుర్తు చేసుకున్నాడు. “నేను ముందే చెప్పాను.. వైభవ్ను ఎలా అవుట్ చేయాలో నాకు తెలుసని, ఇప్పుడు అదే చేసి చూపించాను” అని ఆర్చర్ పేర్కొనడం గమనార్హం.
