స్టార్ మ్యూజిక్ డైరెక్టర్ అనిరుధ్ రవిచందర్, సన్రైజర్స్ హైదరాబాద్ ఓనర్ కావ్యా మారన్ త్వరలోనే వివాహ బంధంతో ఒక్కటి కాబోతున్నారంటూ గత కొంత కాలంగా సోషల్ మీడియాలో వార్తలు జోరుగా హల్చల్ చేస్తున్న సంగతి తెలిసిందే. వీరిద్దరి రిలేషన్షిప్పై రకరకాల పుకార్లు వస్తున్న టైమ్ లో అలాంటిదేమి లేదని అనిరుధ్ ఆ మధ్య అన్నాడు. కానీ వీరి పెళ్లి కన్ఫామ్ అని చెన్నై మీడియాలో వార్తలు వస్తూనే ఉన్నాయి.
తాజాగా అనిరుధ్కు వరుసకు పెద్దనాన్న అయ్యే ప్రముఖ సీనియర్ నటుడు వైజీ మహేంద్రన్ ఈ విషయమై స్పందించడంతో ఈ చర్చ మరింత ఊపందుకుంది. వైజీ మహేంద్రన్ వీరిద్దరి రిలేషన్ను మరియు పెళ్లి వార్తలను కన్ఫామ్ చేసారు. వీరిద్దరూ త్వరలోనే పెళ్లి పీటలెక్కబోతున్నారని, ఇరు కుటుంబాల పెద్దలు కూడా ఈ వివాహానికి గ్రీన్ సిగ్నల్ ఇచ్చారని మహేంద్రన్ చెప్పకనే చెప్పినట్టు చెప్పారు. ఈ క్రేజీ జంట పెళ్లి వార్త బయటకు రావడంతో అటు సినిమా పరిశ్రమలోనూ, ఇటు క్రికెట్ సర్కిల్స్లోనూ ఇది హాట్ టాపిక్గా మారింది. కాగా సన్ గ్రూప్ అధినేత కళానిధి మారన్ కుమార్తె అయిన కావ్యా మారన్కు సోషల్ మీడియాలో ‘నేషనల్ క్రష్’గా విపరీతమైన క్రేజ్ ఉంది. మరోవైపు అనిరుధ్ సౌత్ ఇండియాలోనే కాకుండా బాలీవుడ్లోనూ టాప్ మ్యూజిక్ డైరెక్టర్గా దూసుకెళ్తున్నారు. అనిరుధ్ సంగీతం అందిస్తున్నాడు అంటేనే ఆ సినిమా బజ్ వేరే లెవల్ లో ఉంటుంది. వీరిద్దరి వివాహ వేడుకకు సంబంధించిన అధికారిక ప్రకటన త్వరలోనే వెలువడే అవకాశం ఉందని అభిమానులు ఆశాభావం వ్యక్తం చేస్తున్నారు.