ఉదయం కాగానే ఇళ్లలో సాధారణంగా కనిపించే దృశ్యం.. పిల్లలను నిద్రలేపడానికి తల్లులు గట్టిగా అరవడం, విసిగించుకోవడం. ముఖ్యంగా “ఇంకా కుంభకర్ణుడిలా పడుకుంటావు, టైమ్ అయిపోతోంది” అంటూ కేకలు వేయడం చాలా మంది తల్లిదండ్రులకు అలవాటుగా మారిపోయింది. అయితే, ఇలా అరుస్తూ, ఒత్తిడి చేస్తూ పిల్లలను నిద్రలేపడం వారి మానసిక, శారీరక ఆరోగ్యంపై తీవ్రమైన దుష్ప్రభావాన్ని చూపుతుందని ప్రముఖ పేరెంటింగ్ కోచ్ పరిక్షిత్ జోబన్పుత్ర హెచ్చరిస్తున్నారు. ఉదయాన్నే జరిగే ఈ పొరపాట్లు పిల్లలను ఎలాంటి ప్రమాదాల్లోకి నెడుతున్నాయో ఇప్పుడు చూద్దాం.
చిన్న వయసులోనే గుండెపోటు ముప్పు.. జాగ్రత్త: ఉదయం నిద్ర లేవగానే ప్రశాంతమైన వాతావరణం ఉండాలి. అలా కాకుండా రోజు మొదట్లోనే అరుపులు, కేకలు వినడం వల్ల చిన్నపిల్లల మెదడుపై తీవ్ర ఒత్తిడి పడుతుంది. ఇక ఈ హడావుడి, గందరగోళం వారిలో తెలియకుండానే యాంగ్జైటీని (ఆందోళన) పెంచుతుంది. పేరెంటింగ్ కోచ్ వివరణ ప్రకారం.. ఇలాంటి నిరంతర ఉద్రిక్తత, నిరాశల కారణంగా ఈ రోజుల్లో చిన్న వయసులోనే పిల్లలు గుండెపోటు (హార్ట్ ఎటాక్) వంటి తీవ్రమైన ఆరోగ్య సమస్యల బారిన పడుతున్నారు.
తిట్లతో మొదలైతే.. రోజంతా నీరసమే: ఉదయాన్నే తిట్లు, విమర్శలతో నిద్రలేచే పిల్లల్లో రోజంతా ఉత్సాహం నశిస్తుంది. వారు పాఠశాలలో లేదా ఇతర పనుల్లో సరిగ్గా దృష్టి పెట్టలేరు. ఇక పడక మంచం మీదే ప్రతికూల శక్తితో (నెగెటివిటీ) రోజును ప్రారంభించడం వల్ల వారి ఆత్మవిశ్వాసం దెబ్బతింటుంది. పిల్లలను ప్రేమగా, మృదువుగా పిలుస్తూ నిద్రలేపడం వల్ల వారి రోజంతా సంతోషంగా, ఉల్లాసంగా సాగుతుంది. కాబట్టి రేపటి నుండి మీ పద్ధతిని మార్చుకోండి.
పిల్లల భవిష్యత్తు, ఆరోగ్యం మనం ఉదయం వారిని ఎలా చూసుకుంటామనే దానిపైనే ఆధారపడి ఉంటుంది. కాబట్టి అలారం సౌండ్ల కంటే, మీ అరుపుల కంటే మీ ప్రేమపూర్వకమైన స్పర్శతో, మధురమైన మాటలతో వారిని నిద్రలేపడం అలవాటు చేసుకోండి. అప్పుడే వారు మానసికంగా దృఢంగా, ఆరోగ్యంగా ఎదుగుతారు.
ఈ వ్యాసంలో అందించిన సమాచారం పేరెంటింగ్ నిపుణుల అభిప్రాయాలు మరియు సాధారణ అవగాహన ఆధారంగా ఇవ్వబడినది. పిల్లల ప్రవర్తన లేదా మానసిక ఆరోగ్యంలో ఏవైనా తీవ్రమైన మార్పులు గమనిస్తే నిపుణులైన కౌన్సిలర్లను సంప్రదించడం మంచిది.
The post పేరెంట్స్ జాగ్రత్త..! ఉదయం ఈ అలవాటు పిల్లలకు హానికరం appeared first on Manalokam – Latest Telugu News & Updates.