పాపం.. అక్కినేని వారసుడు అఖిల్ కు మళ్ళీ వెయిటింగ్ తప్పేలా లేదు. మురళీ కిషోర్ అబ్బూరు డైరెక్షన్ లో అఖిల్ చేస్తున్న భారీ యాక్షన్ మూవీ ‘లెనిన్’ రిలీజ్ డేట్ ఇప్పుడు టాలీవుడ్ లో హాట్ టాపిక్ గా మారింది. నిజానికి ఈ సినిమాను జూన్ 25న గ్రాండ్ గా రిలీజ్ చేయాలనుకున్నారు కానీ, అదే రోజు మెగా పవర్ స్టార్ రామ్ చరణ్ ‘పెద్ది’ కూడా బాక్సాఫీస్ బరిలోకి దిగుతుండటంతో అఖిల్ సినిమాను వాయిదా వేయక తప్పలేదు. దాదాపు మూడేళ్ల తర్వాత అఖిల్ నుంచి వస్తున్న సినిమా కావడంతో, అనవసరమైన పోటీకి వెళ్లి రిస్క్ తీసుకోవడం ఎందుకని అన్నపూర్ణ స్టూడియోస్, సితారా సంస్థలు వెనక్కి తగ్గాయి.
ప్రస్తుతానికి ఈ సినిమాను జూలై నెలాఖరులో లేదా ఆగస్టు 15 వీకెండ్ లో రిలీజ్ చేసేలా ప్లాన్ చేస్తున్నారు. ఒకవేళ ఆగస్టు 15న పెద్ద సినిమాలేవీ లేకపోతే, ఆ లాంగ్ వీకెండ్ హాలిడే అడ్వాంటేజ్ ను వాడుకోవాలని మేకర్స్ గట్టిగా అనుకుంటున్నారు. భాగ్యశ్రీ బొర్సే హీరోయిన్ గా నటిస్తున్న ఈ సినిమాకు థమన్ అదిరిపోయే మ్యూజిక్ ఇస్తున్నాడట. అఖిల్ కెరీర్ లోనే ఇది మోస్ట్ పవర్ ఫుల్ రోల్ అని, అందుకే రిలీజ్ డేట్ విషయంలో ఎక్కడా తొందరపడకుండా సరైన టైమ్ లో రావాలని టీమ్ కసరత్తు చేస్తోంది. మరి అఖిల్ కి ఈ ‘లెనిన్’ ఏ రేంజ్ హిట్ ఇస్తుందో చూడాలి!