Renault Bridger: భారత కార్ల మార్కెట్ విస్తరిస్తోంది. దేశ విదేశీ కంపెనీలు కొత్త కొత్త కార్లను తీసుకుని వస్తున్నారు. తాజాగా రెనాల్ట్ భారత్లో తన మార్కెట్ పెంచుకోవాలని చూస్తోంది. ఇప్పటికే ఈ కంపెనీ నుంచి వచ్చిన సరికొత్త డస్టర్ సేల్స్లో దుమ్మురేపుతోంది. ఇప్పుడు రెనాల్ట్ బ్రిడ్జర్(Renault Bridger) రాబోతోంది. సబ్-4 మీటర్ కారుగా బ్రిడ్జర్ మార్కెట్లోకి ఎంట్రీ ఇచ్చేందుకు సిద్ధమవుతోంది. 2027 చివరి నాటికి ఇది విడుదలయ్యే అవకాశం ఉంది.
Read Also: Terror Attack: మాలిలో భారీ ఉగ్రవాద దాడి.. రక్షణ మంత్రి హతం..
ఇదిలా ఉంటే, బ్రిడ్జర్ను పెట్రోల్, సీఎన్జీ,ఈవీ వెర్షన్లలో తీసుకురాబోతున్నట్లు తెలుస్తోంది. బ్రిడ్జర్ కొత్త 1.2-లీటర్ ఫోర్-సిలిండర్ టర్బో-పెట్రోల్ ఇంజన్తో రానుంది. ఈ ఇంజన్ డస్టర్ యొక్క 1.3-లీటర్ TGDi ఇంజన్ ఆధారంగా రూపొందించబడింది, కానీ దాని సామర్థ్యాన్ని 1,200cc కంటే తక్కువకు తగ్గించడానికి స్ట్రోక్ను తగ్గించారు. దీని వల్ల కారు సబ్-4 మీటర్ కేటగిరిలోకి వస్తుంది. టాక్స్ తగ్గడం వల్ల ధర చాలా మందికి అందుబాటులో ఉంటుందనే ఉద్దేశం కంపెనీలో ఉంది. భారత్లో సబ్-4 మీటర్ కాంపాక్ట్ ఎస్యూవీ కార్లకు భారీగా డిమాండ్ ఉంది.
ఇదే కాకుండా బ్రిడ్జర్ మల్టీ-పాయింట్ ఫ్యూయల్ ఇంజెక్షన్ (MPFi) సిస్టమ్తో రానుంది. ఇది సీఎన్జీకి చాలా మంచి టెక్నాలజీ. బ్రిడ్జర్ ప్లాట్ఫామ్ ఇప్పటికే సీఎన్జీ కోసం డెవలప్ చేయబడుతోంది. టర్బో-పెట్రోల్ ఇంజన్ సుమారు 120 hp పవర్ జనరేట్ చేయగలదు. నాచురల్లీ ఆస్పిరేటెడ్ ఇంజన్ ఆప్షన్ కూడా ఉంది. ఇది పెట్రోల్, టర్బో-పెట్రోల్, సీఎన్జీ, హైబ్రిడ్, ఎలక్ట్రిక్ వంటి పలు రకాల ఆప్షన్లతో అందుబాటులోకి వచ్చే అవకాశం ఉంది. ఇప్పటికే భారత్లో అత్యధికంగా అమ్మడవుతున్న సబ్-4మీ టర్ కేటగిరీలో టాటా నెక్సాన్ ఉంది. నెక్సాన్ పెట్రోల్, డిజిల్, ఈవీ, సీఎన్జీ ఆప్షన్లలో కూడా లభిస్తుంది. బ్రిడ్జర్ వస్తే నెక్సాన్కు బలమైన పోటీగా నిలుస్తుంది.