బంగ్లాదేశ్ ఆర్మీ నిర్వహించిన ఫీల్డ్ ఫైరింగ్ విన్యాసాల్లో ఘోర ప్రమాదం చోటుచేసుకుంది. చైనా తయారీ టైప్-59 ట్యాంక్ పేలిపోవడంతో ఇద్దరు సైనికులు మృతి చెందగా.. ఓ ఆర్మీ అధికారి తీవ్రంగా గాయపడ్డారు. ఈ ఘటన బుధవారం బంగ్లాదేశ్లోని చట్టోగ్రామ్లో ఉన్న హతాజారి ఫీల్డ్ ఫైరింగ్ రేంజ్లో జరిగింది.
ఫైరింగ్ సమయంలో పేలిన ట్యాంక్
ఇంటర్-సర్వీసెస్ పబ్లిక్ రిలేషన్స్ డైరెక్టరేట్ తెలిపిన వివరాల ప్రకారం.. సైనికులు ఫైరింగ్ విన్యాసాల్లో భాగంగా ట్యాంక్ నుంచి కాల్పులు జరుపుతున్న సమయంలో ఈ ప్రమాదం జరిగింది. పేలుడు సంభవించిన సమయంలో ట్యాంక్లో ఉన్న ఇద్దరు సైనికులు అక్కడికక్కడే మృతి చెందినట్లు ది డైలీ స్టార్ నివేదించింది. అదే సమయంలో బంగ్లాదేశ్ ఆర్మీకి చెందిన ఓ అధికారి తీవ్రంగా గాయపడ్డారు. తీవ్రంగా గాయపడిన ఆర్మీ అధికారిని మెరుగైన వైద్యం కోసం హెలికాప్టర్ ద్వారా ఢాకాలోని కంబైన్డ్ మిలిటరీ హాస్పిటల్ (CMH)కు తరలించారు. ఆయనకు అక్కడ అత్యవసర చికిత్స అందిస్తున్నారు.
చైనా మూలానికి చెందిన టైప్-59 ట్యాంక్
ప్రమాదానికి గురైన ట్యాంక్ చైనా మూలానికి చెందిన టైప్-59గా అధికారులు తెలిపారు. బంగ్లాదేశ్ ఆర్మీ ఈ ట్యాంకులను వినియోగిస్తోంది. చట్టోగ్రామ్లోని హతాజారి ఫీల్డ్ ఫైరింగ్ రేంజ్లో సైనిక విన్యాసాలు జరుగుతున్న సమయంలోనే పేలుడు చోటుచేసుకుంది. అయితే ట్యాంక్ ఎందుకు పేలిందన్న దానిపై ఇప్పటివరకు స్పష్టత రాలేదు. ప్రమాదానికి అసలు కారణాన్ని గుర్తించేందుకు అవసరమైన చర్యలు చేపట్టినట్లు ISPR వెల్లడించింది. పేలుడుకు దారితీసిన పరిస్థితులపై ప్రస్తుతం దర్యాప్తు కొనసాగుతోంది.
Bangladesh Army’s Chinese-origin Type 59 tank reportedly exploded during a firing exercise, killing 2 crew members and injuring an officer.
Made in China. Used in Bangladesh. Deadly outcome. pic.twitter.com/Gn0FRx5ul4
— Shadow IND (@ShadowIND_IN) September 9, 2026
Bangladesh Army Tank Explodes During Firing Exercise
A Chinese-origin Type 59 tank reportedly exploded in Hathazari, Chattogram.
2 crew members killed
1 officer injured and taken to Chittagong CMH.
Cause remains unconfirmed. https://t.co/ln2QOsszLe pic.twitter.com/8wT2R9KgsJ— Shadow IND (@ShadowIND_IN) September 9, 2026