బరువు తగ్గాలంటే అన్నం తినడం పూర్తిగా మానేయాలి, కడుపు మాడ్చుకోవాలి అని చాలామంది భయపడుతుంటారు. కానీ మన ప్రియమైన అన్నాన్ని వదులుకోకుండానే, హాయిగా తింటూ స్లిమ్గా మారవచ్చని వైద్యులు చెబుతున్నారు. మన రోజూవారీ ప్లేట్లో కొన్ని చిన్న చిన్న మార్పులు చేసుకోవడం ద్వారా కేలరీలను తగ్గించి సులభంగా బరువు తగ్గొచ్చు. ఆ అద్భుతమైన సీక్రెట్స్ ఏంటో ఇప్పుడు తెలుసుకుందాం..
అన్నం మోతాదు తగ్గించి.. కూరగాయలు పెంచండి: అన్నంలో ఉండే కార్బోహైడ్రేట్ల మోతాదును తగ్గించుకోవాలి. ప్లేట్లో అన్నం తక్కువగా వేసుకుని, ఆ స్థానంలో ప్రొటీన్, ఫైబర్ ఎక్కువగా ఉండే కూరగాయల సలాడ్లు, పప్పు ధాన్యాలు ఎక్కువ పరిమాణంలో తీసుకోవాలి. ఇక వీటిలో కేలరీలు తక్కువగా ఉండి, కడుపు త్వరగా నిండిన భావన కలుగుతుంది.
తెల్ల అన్నానికి బదులు బ్రౌన్ రైస్: సాధారణంగా తినే తెల్ల అన్నానికి (వైట్ రైస్) బదులుగా దంపుడు బియ్యం లేదా బ్రౌన్ రైస్ ఎంచుకోవడం చాలా మంచి ఆప్షన్. ఇక వీటిలో పీచు పదార్థం (ఫైబర్) పుష్కలంగా ఉండటం వల్ల జీర్ణక్రియ నెమ్మదిగా జరిగి, త్వరగా ఆకలి వేయకుండా చూస్తుంది మరియు బ్లడ్ షుగర్ స్థాయిలు అదుపులో ఉంటాయి.
డైట్లో పెరుగు తప్పనిసరి: జీర్ణక్రియ వేగవంతంగా, ఆరోగ్యకరంగా జరగడానికి రోజూవారీ భోజనంలో పెరుగును భాగం చేసుకోవాలి. ఇక పెరుగులో ఉండే ప్రొబయోటిక్స్ కడుపులోని మంచి బాక్టీరియాను పెంచి, ఆహారం సులభంగా అరిగేలా తోడ్పడతాయి. ఇది పొట్ట దగ్గర కొవ్వు పేరుకుపోకుండా నిరోధించడంలో బాగా సహాయపడుతుంది.
బరువు తగ్గడానికి కఠినమైన పథ్యాలు పాటించి కడుపు మార్చుకోవాల్సిన అవసరం లేదు. ఇక ప్రతిరోజూ తీసుకునే అన్నం మోతాదును నియంత్రించి, పీచు, ప్రొటీన్ ఉండే ఆహారాలను జత చేసుకుంటే చాలు, తింటూనే ఎంతో ఆరోగ్యంగా బరువు తగ్గొచ్చు.
గమనిక:పైన ఇచ్చిన సమాచారం అవగాహనా కోసం మాత్రమే, మీ శరీర తత్వానికి తగ్గట్టుగా సరైన డైట్ ప్లాన్ ఎంచుకోవడానికి పోషకాహార నిపుణుడిని (న్యూట్రిషనిస్ట్) సంప్రదించడం శ్రేయస్కరం.
The post డైట్లో చిన్న మార్పులు.. అన్నం తింటూనే స్లిమ్గా మారే సీక్రెట్! appeared first on Manalokam – Latest Telugu News & Updates.