గత కొన్ని రోజులుగా సోషల్ మీడియాలో హీరోయిన్ సాయి పల్లవి పెళ్లి గురించి రకరకాల వార్తలు చక్కర్లు కొడుతున్నాయి. ఈ క్రమంలో తన వ్యక్తిగత జీవితంపై వస్తున్న ఊహాగానాలకు ఆమె స్వయంగా చెక్ పెట్టారు, తాజాగా తన పెళ్లిపై వస్తున్న వార్తలపై స్పందించారు. ఇటీవల జరిగిన ఒక కార్యక్రమంలో పాల్గొన్న ఆమెకు, జర్నలిస్టుల నుంచి పెళ్లికి సంబంధించిన ప్రశ్నలు ఎదురయ్యాయి. దీనికి ఆమె ఎంతో హుందాగా, స్పష్టంగా సమాధానమిచ్చారు. తన పెళ్లి గురించి వస్తున్న వార్తల్లో ఏమాత్రం నిజం లేదని సాయి పల్లవి తేల్చి చెప్పారు. “ప్రస్తుతానికి నా ఆలోచనలన్నీ కేవలం నా కెరీర్ పైనే ఉన్నాయి. పెళ్లి గురించి ఇప్పట్లో ఆలోచించే ప్రసక్తే లేదు. నేను ప్రస్తుతం పూర్తిగా సింగిల్ అని” ఆమె తెలిపారు. దీంతో గత కొద్ది రోజులుగా సోషల్ మీడియాలో జరుగుతున్న ప్రచారానికి ఒక్కసారిగా బ్రేక్ పడింది.
Also Read:Dhurandhar 2: దురంధర్ 2 ఊచకోత.. ఇండియాలోనే మొదటి సినిమాగా కొత్త రికార్డ్
సాయి పల్లవి ప్రస్తుతం వరుస క్రేజీ ప్రాజెక్టులతో తీరిక లేకుండా గడుపుతున్నారు. ముఖ్యంగా హిందీ చిత్రసీమలో ఆమె అడుగుపెట్టబోతుండటం విశేషం. ‘ఏక్ దిన్’ అనే సినిమాతో బాలీవుడ్ ప్రేక్షకులను పలకరించేందుకు ఆమె సిద్ధమవుతున్నారు. ఈ భారీ ప్రాజెక్టులతో పాటు మరికొన్ని సౌత్ సినిమాల్లోనూ ఆమె కీలక పాత్రలు పోషిస్తున్నారు. నిజాయితీకి, సహజత్వానికి మారుపేరుగా నిలిచే సాయి పల్లవి, తన పెళ్లి విషయంలో కూడా అంతే పారదర్శకంగా స్పందించి అభిమానుల సందేహాలను పటాపంచలు చేశారు.