నిర్మాణ అనుమతుల రద్దును సవాల్ చేస్తూ హైకోర్టుకు ప్రదీప్ కన్స్ట్రక్షన్స్

హైదరాబాద్: ప్రదీప్ కన్స్ట్రక్షన్స్ భాగస్వామి ప్రదీప్ రెడ్డి హైకోర్టును ఆశ్రయించారు. నిర్మాణ అనుమతుల రద్దును సవాల్ చేస్తూ హైకోర్టులో పిటిషన్ దాఖలు చేశారు. రద్దు నోటీసులపై స్టే ఇవ్వాలని కోర్టును ప్రదీప్ రెడ్డి కోరారు. నెక్లెస్ రోడ్,సోమాజిగూడలో హైరైజ్ ప్రాజెక్టుకు గతంలో జీహెచ్‌ఎంసీ ఇచ్చిన అనుమతులు రద్దు చేశారని ఆయన తన పిటిషన్లో పేర్కొన్నారు. ఏళ్ల తర్వాత అనుమతులు రద్దు చేయడం చట్టవిరుద్ధమని పిటిషన్‌లో ప్రస్తావించారు.

చట్టబద్ధత లేని హైడ్రా.. నిర్మాణ వ్యవహారంలో జోక్యం చేసుకుందని ఆరోపించారు. తుది న్యాయపరమైన నిర్ణయం వచ్చే వరకు నోటీసులను నిలిపివేయాలని కోర్టుకు విజ్ఞప్తి చేశారు. హెచ్‌ఎండీఏ, జీహెచ్‌ఎంసీ, ఇరిగేషన్, మున్సిపల్ శాఖలను పిటిషనర్ ప్రతివాదులుగా చేర్చారు. భూమి విక్రయించిన వారిని కూడా ప్రతివాదులుగా చేర్చుతూ పిటిషన్ దాఖలు చేశారు. తెలంగాణ హైకోర్టు ఈ కేసును విచారించనుంది.

►ALSO READ | హైదరాబాద్ సిటీలోని హైటెక్ సిటీ రైల్వే స్టేషన్ను మస్తు చేసిర్రు.. కొత్త లుక్ అదిరిపోయిందిగా..!