ఉదయాన్నే లేవగానే మన పొట్ట ఖాళీగా ఉంటుంది. ఆ సమయంలో కడుపులో ఏం వేస్తున్నామనేదే రోజంతా మన ఆరోగ్యాన్ని, శక్తిని డిసైడ్ చేస్తుంది. ఏది పడితే అది తింటే కడుపులో తిప్పడం, గ్యాస్ రావడం లాంటి సమస్యలు తప్పవు. అందుకే పరగడుపున సరైన ఆహారం తీసుకుంటే రోజంతా ఎనర్జిటిక్గా ఉండటమే కాకుండా, ఎన్నో ఆరోగ్య లాభాలు సొంతమవుతాయి. ఖాళీ కడుపుతో తింటే ఒంటికి మేలు చేసే ఆ బెస్ట్ ఫుడ్స్ ఏంటో ఇప్పుడు వివరంగా చూద్దాం..
బొప్పాయి పండు: రోజును బొప్పాయితో ప్రారంభిస్తే జీర్ణ వ్యవస్థ చాలా బాగుంటుంది. ఇందులో ఫైబర్ ఎక్కువగా ఉండటం వల్ల ప్రేగుల కదలికలు ఉండి, మలబద్ధకం తగ్గుతుంది. అంతేకాదు, ఇది చెడు కొలెస్ట్రాల్ను తగ్గిస్తుంది. బొప్పాయి తిన్న తర్వాత ఒక గంట వరకు ఏదీ తినకూడదు, అప్పుడే అది ఒంటికి పూర్తిగా పడుతుంది.
తాజా పుచ్చకాయ: ఉదయాన్నే పుచ్చకాయ తింటే శరీరం రోజంతా తాజాగా ఉంటుంది. ఇందులో 90 శాతం నీళ్లే ఉంటాయి కాబట్టి డీహైడ్రేషన్ రాకుండా కాపాడుతుంది. కేలరీలు తక్కువగా ఉండి విటమిన్లు, లైకోపీన్ ఎక్కువగా లభిస్తాయి. బరువు పెరగకుండా రోగనిరోధక శక్తిని పెంచుకోవడానికి ఇది బెస్ట్ ఆప్షన్.
నానబెట్టిన డ్రై ఫ్రూట్స్: రాత్రి నానబెట్టిన బాదం, వాల్నట్స్, అంజీర్లను పరగడుపున తింటే శరీరానికి కావలసిన మంచి ప్రొటీన్, హెల్దీ ఫ్యాట్స్ అందుతాయి. ఇవి రోజంతా కావాల్సిన శక్తిని ఇస్తాయి.అలాగే ఖర్జురాలు,కిస్మిస్ వంటివి తింటే మంచిది అని నిపుణులు తెలుపుతున్నారు.
ఆరోగ్యకరమైన పానీయాలు: జీలకర్ర నీళ్లు, వాము నీళ్లు, లేత కొబ్బరినీళ్లు లేదా గోరువెచ్చని నీళ్లతో రోజును మొదలుపెట్టడం చాలా మంచిది. ఇక ఇవి జీర్ణక్రియను వేగవంతం చేసి, బాడీలోని టాక్సిన్లను బయటకు పంపుతాయి. బరువు తగ్గాలనుకునే వారికి, హార్మోన్ల సమస్యలు ఉన్నవారికి ఇవి బాగా పనిచేస్తాయి.
కూరగాయల జ్యూసులు: క్యారెట్, బీట్రూట్ లేదా ఆకుకూరల జ్యూస్ తాగడం వల్ల విటమిన్లు, యాంటీఆక్సిడెంట్లు పుష్కలంగా అందుతాయి. ముఖ్యంగా మహిళల్లో చర్మ కాంతిని పెంచడానికి, జుట్టు ఊడటం తగ్గించడానికి ఈ జ్యూసులు చాలా మేలు చేస్తాయి.
ఇక ఉదయాన్నే మనం తీసుకునే ఆహారమే మన రోజంతా ఉండే ఉత్సాహానికి పునాది. కాబట్టి ఖాళీ పొట్టతో అనారోగ్యకరమైనవి తినకుండా, పైన చెప్పుకున్న సహజమైన ఆహారాలను అలవాటు చేసుకుంటే ఆరోగ్యం మీ సొంతమవుతుంది.
గమనిక: ప్రతీ ఒక్కరి శరీర తత్వాలు వేరుగా ఉంటాయి. మీకు ఏదైనా ప్రత్యేక ఆరోగ్య సమస్యలు ఉంటే ఆహారంలో మార్పులు చేసే ముందు డాక్టర్ లేదా న్యూట్రిషనిస్ట్ సలహా తీసుకోవడం మంచిది.
The post ఉదయం ఖాళీ కడుపుతో ఏం తినాలి? ఆరోగ్యానికి మేలు చేసే బెస్ట్ ఫుడ్స్ ఇవే! appeared first on Manalokam – Latest Telugu News & Updates.