Festival Special Trains: దక్షిణ మధ్య రైల్వే సంచలన నిర్ణయాలు తీసుకుంటుంది. పండగ సీజన్‌ నేపథ్యంలో సొంతూళ్లకు వెళ్లే ప్రయాణికులు ఎలాంటి ఇబ్బందులు పడకుండా ఉండేందుకు బోలెడు రైళ్లను నడుపుతోంది. పండగల సీజన్‌లో ప్రయాణికుల రద్దీ విపరీతంగా పెరుగుతుండటంతో ప్రత్యేక రైళ్లను అందుబాటులోకి తీసుకువస్తోంది. ఈ ప్రత్యేక రైళ్లు తెలుగు రాష్ట్రాలతో పాటు ఇతర రాష్ట్రాల ప్రయాణికులకు ఎంతగానో ఉపయోగపడనుంది. పూజా పండగ, 79వ వార్షిక నిరన్‌కారి సంతో సమాగమ్ – 2026 రద్దీని నియంత్రించేందుకు దక్షిణ మధ్య రైల్వే పలు మార్గాలలో ప్రత్యేక రైళ్లను నడుపుతున్నట్లు అధికారికంగా ప్రకటించింది. అయితే రోజురోజుకు చాలా ప్రత్యేక రైళ్లను ప్రకటిస్తోంది. ఇప్పుడు మరి కొన్ని రైళ్లను అందుబాటులోకి తీసుకువస్తున్నట్లు ప్రకటించింది.
1. చర్లపల్లి – విశాఖపట్నం – చర్లపల్లి స్పెషల్ ట్రైన్స్:
- రైలు నెం. 07067 (చర్లపల్లి నుండి విశాఖపట్నం): ఈ రైలు అక్టోబర్ 15, 2026 న రాత్రి 21:00 గంటలకు చర్లపల్లిలో బయలుదేరి, మరుసటి రోజు ఉదయం 12:05 గంటలకు విశాఖపట్నం చేరుకుంటుంది.
- రైలు నెం. 07068 (విశాఖపట్నం నుండి చర్లపల్లి): ఈ రైలు అక్టోబర్ 16, 2026న మధ్యాహ్నం 15:50 గంటలకు విశాఖపట్నంలో బయలుదేరి మరుసటి రోజు ఉదయం 05:00 గంటలకు చర్లపల్లి చేరుకుంటుంది.
- ఆపే స్టాప్‌లు: ఈ ప్రత్యేక రైళ్లు రెండు మార్గాలలోనూ నల్గొండ, మిర్యాలగూడ, గుంటూరు, విజయవాడ, ఏలూరు, తాడేపల్లిగూడెం, రాజమండ్రి, సామర్లకోట, తుని, అనకాపల్లె, దువ్వాడ స్టేషన్‌లలో ఆగుతాయి.
- బోగీల వివరాలు: ఈ రైళ్లలో 2AC, 3AC, స్లీపర్, జనరల్ సెకండ్ క్లాస్ కోచ్‌లు అందుబాటులో ఉంటాయి.
2. హెచ్.ఎస్. నాందేడ్ – పానిపట్ – హెచ్.ఎస్. నాందేడ్ స్పెషల్ ట్రైన్స్:
- రైలు నెం. 07635 (హెచ్.ఎస్. నాందేడ్ నుండి పానిపట్): అక్టోబర్ 21, 27 తేదీలలో ఉదయం 07:40 గంటలకు బయలుదేరి, మరుసటి రోజు సాయంత్రం 17:30 గంటలకు పానిపట్ చేరుకుంటుంది.
- రైలు నెం. 07636 (పానిపట్ నుండి హెచ్.ఎస్. నాందేడ్): అక్టోబర్ 22 మరియు 28 తేదీలలో సాయంత్రం 18:15 గంటలకు బయలుదేరి, రెండో రోజు ఉదయం 06:00 గంటలకు నాందేడ్ చేరుకుంటుంది.
- ఆపే స్టాప్‌లు: ఈ రైళ్లు పూర్ణ, పర్భాని, జాల్నా, ఛత్రపతి శంభాజీనగర్, మన్మాడ్, జలగావ్, భుసావల్, ఖాండ్వా, ఇటార్సి, రాణి కమలాపతి, బీనా, వి.ఎల్. ఝాన్సీ, ఆగ్రా కంటోన్మెంట్, మధుర, కోసి కలాన్, న్యూఢిల్లీ మరియు భోధ్వాల్ మజ్రి స్టేషన్‌లలో ఆగుతాయి.
- బోగీల వివరాలు: ఈ రైళ్లలో 3AC, స్లీపర్, జనరల్ సెకండ్ క్లాస్ కోచ్‌లు ఉంటాయి. ప్రయాణికులు ఈ ప్రత్యేక రైళ్ల సదుపాయాన్ని సద్వినియోగం చేసుకోవాలని రైల్వే అధికారులు కోరారు.
ఇది కూడా చదవండి: Indian Railways: కేంద్రం సంచలన నిర్ణయం.. రైల్వే ఉద్యోగులకు పండుగ బోనస్‌..10 లక్షల మందికి బెనిఫిట్
మరిన్ని బిజినెస్ వార్తల కోసం ఇక్కడ క్లిక్ చేయండి