CJP: కాక్రోచ్ జనతా పార్టీ (CJP) వరస ఎదురుదెబ్బలు ఎదుర్కొంటోంది. ఇప్పటికే సీజేపీ కో కన్వీనర్లు జంతర్ మంతర్ వద్ద ఆంక్షలను ఉల్లంఘించినందుకు 5 రోజుల జ్యుడీషియల్ కస్టడీ విధించింది కోర్టు. మరోవైపు, సీజేపీపై ఓ వర్గం నుంచి తీవ్ర వ్యతిరేకత వ్యక్తమవుతోంది. సీజేపీ కన్వీనర్ అభిజిత్ దీప్కేకు ఢిల్లీ ఎయిర్‌పోర్టులో తీవ్ర అవమానం ఎదురైంది. ఆయన సొంత రాష్ట్రం మహారాష్ట్ర నుంచి ఢిల్లీకి చేరుకున్న సందర్భంలో కొందరు ప్రయాణికులు ఆయనను ఉద్దేశించి ‘‘దొంగ దొంగ’’ అంటూ నినాదాలు చేసినట్లు తెలుస్తోంది. ఓ ప్రయాణికుడు దీప్కేను ఉద్దేశిస్తూ.. ‘‘మీరు దేశాన్ని ఎందుకు అస్థిరపరచాలని ప్రయత్నిస్తున్నారు.?’’ అని నిలదీశారు. ఇప్పుడు దీనికి సంబంధించిన వీడియో సోషల్ మీడియాలో వైరల్ అవుతోంది.
ఇదిలా ఉంటే, అంతకుముందు అక్టోబర్ 10న సీఈసీ జ్ఞానేష్ కుమార్ రాజీనామా కోరుతూ సీజేపీ జంతర్ మంతర్ వద్ద భారీ నిరసనకు పిలుపునిచ్చింది. ఢిల్లీ పోలీసులు ఈ కార్యక్రమాన్ని భగ్నం చేశారు. అభిజిత్ దీప్కే, సౌరవ్ దాస్, అశుతోష్ రాంకాలు ముంబై నుంచి ఢిల్లీ వస్తున్న క్రమంలో విమానంలో వారిని అరెస్ట్ చేశారు. ఆ సమయంలో కూడా విమానంలో ఉన్న ప్రయాణికులు వీరిపై వ్యతిరేకత వ్యక్తం చేశారు. దీప్కే దేశంలో నియంతృత్వం కొనసాగుతుందని నినాదాలు చేయడంతో, అందులో ఉన్న మహిళా ప్రయాణికురాలు దీనిని వ్యతిరేకించారు. దేశంలో ఎలాంటి నియంతృత్వం లేదని చెప్పారు. మరో ప్రయాణికులు వీరు ముగ్గురిని ఉద్దేశిస్తూ ‘‘స్వచ్ఛ భారత్, చెత్తను పారేయండి’’ అంటూ కామెంట్స్ చేయడం కూడా వైరల్‌గా మారాయి.
Watch | CJP founder Abhijeet Dipke booed at an airport.
The guy who said “kyun desh kharab kar raha hai” spoke for majority of INDIANS who are literally sick and tired of useless protests every now and then! https://t.co/kCAEeIggPj
— Yash Rawat (@india_expert) October 14, 2026