Cricket Legends: లండన్‌లోని బకింగ్‌హామ్ ప్యాలెస్ (Buckingham Palace) వెలుపల గల ప్రసిద్ధ ‘ది మాల్’ (The Mall) రోడ్డుపై ఒక అరుదైన సంఘటన చోటు చేసుకుంది. పర్యావరణ పరిరక్షణ, సుస్థిరతపై అవగాహన కల్పించే లక్ష్యంతో ప్రిన్స్ విలియం (Prince William) ప్రత్యేక ఆహ్వానం మేరకు దిగ్గజ క్రికెటర్లు లండన్‌లో ఒకచోట చేరారు. ఈ కార్యక్రమంలో భారత మాజీ కెప్టెన్లు సౌరవ్ గంగూలీ (Sourav Ganguly), అజింక్య రహానే (Ajinkya Rahane) లతో పాటు బ్రియాన్ లారా, జో రూట్ లాంటి అంతర్జాతీయ క్రికెట్ దిగ్గజాలు ఉత్సాహంగా టెన్నిస్-బాల్ క్రికెట్ మ్యాచ్ ఆడి సందడి చేశారు.
బకింగ్‌హామ్ ప్యాలెస్ ముందు టెన్నిస్-బాల్ క్రికెట్:
సాధారణంగా గ్రాండ్ రాయ్ ప్రొసెషన్స్ నిర్వహించే రాజభవన వీధుల్లో ఈసారి క్రికెట్ బ్యాట్లతో దిగ్గజాలు దిగడం ప్రత్యేక ఆకర్షణగా నిలిచింది. నవంబర్ నెలలో ముంబై వేదికగా జరగనున్న ప్రతిష్టాత్మక ఎర్త్‌షాట్ ప్రైజ్ (Earthshot Prize) అవార్డు వేడుకలకు కౌంట్‌డౌన్‌గా ఈ కార్యక్రమాన్ని నిర్వహించారు.
అజింక్య రహానే ఎమోషనల్ పోస్ట్:
క్రికెట్ నన్ను ప్రపంచవ్యాప్తంగా ఎన్నో అద్భుతమైన ప్రదేశాలకు తీసుకెళ్లింది. కానీ, లండన్‌లోని ‘ది మాల్’పై, వెనుక బకింగ్‌హామ్ ప్యాలెస్ కనిపిస్తుండగా టెన్నిస్-బాల్ క్రికెట్ ఆడటం నా జీవితంలో ఎప్పటికీ గుర్తుండిపోయే అనుభూతి అని పేర్కొన్నాడు. భారత్, యునైటెడ్ కింగ్‌డమ్ (UK) మధ్య క్రికెట్ పట్ల ఉన్న అనుబంధాన్ని గుర్తు చేసుకుంటూ.. ప్రిన్స్ విలియం, సౌరవ్ గంగూలీ, బ్రియాన్ లారా, జో రూట్ లాంటి గొప్పవారితో కలిసి గడపడం గౌరవంగా ఉందని రహానే తెలిపారు.
►ALSO READ | ఫ్లాట్ పిచ్‌లపై యార్కర్లే అస్త్రం.. ఫాస్ట్ బౌలర్లకు రవి రాంపాల్ కీలక సూచనలు
పర్యావరణ పరిరక్షణే లక్ష్యంగా ఎర్త్‌షాట్ ప్రైజ్:
ప్రిన్స్ విలియం చేత 2020లో ప్రారంభించబడిన ఎర్త్‌షాట్ ప్రైజ్.. మన భూమిని, పర్యావరణాన్ని కాపాడే వినూత్న ఆవిష్కరణలను గుర్తించి ప్రోత్సహిస్తుంది. గాలి నాణ్యత, మహాసముద్రాల పరిరక్షణ, వ్యర్థాల తగ్గింపు, వాతావరణ మార్పుల నివారణ వంటి అంశాలపై ఈ వేదిక పని చేస్తుంది. క్రికెట్‌లో విజయానికి క్రమశిక్షణ, సమష్టి కృషీ ఎంత ముఖ్యమో.. పర్యావరణాన్ని రక్షించడానికి కూడా అవే విలువలు అవసరమని రహానే గుర్తు చేశారు. ఆరో ఎడిషన్‌గా జరగనున్న ఈ అంతర్జాతీయ అవార్డు వేడుక తొలిసారిగా భారత్‌కు రానుండటం విశేషం. నవంబర్ 17, 2026 న ముంబై వేదికగా ఈ మహా వేడుక జరగనుంది. తన స్వస్థలమైన ముంబైలో ఈ కార్యక్రమం జరుగుతుండటంతో రహానే సంతోషం వ్యక్తం చేశారు.
With Buckingham Palace serving as an iconic backdrop, Prince William turns The Mall into a makeshift cricket pitch to play with English and Indian stars ahead of @EarthshotPrize Mumbai next month. https://t.co/J43DQH45Hv
— Rebecca English (@RE_DailyMail) October 13, 2026