Sanju Samson: హైదరాబాద్‌లోని రాజీవ్ గాంధీ అంతర్జాతీయ క్రికెట్ స్టేడియం (ఉప్పల్) వేదికగా జరుగుతున్న నాలుగో టీ20 మ్యాచ్లో వెస్టిండీస్ విధించిన 248 పరుగుల లక్ష్యాన్ని ఛేదించేందుకు దిగిన టీమిండియాకు ఓపెనర్ సంజు శాంసన్ (Sanju Samson) అద్భుతమైన ఆరంభాన్ని ఇచ్చాడు. విండీస్ బౌలర్లపై తొలి బంతి నుంచే విరుచుకుపడిన శాంసన్.. కేవలం 20 బంతుల్లోనే కిరాక్ అర్ధశతకం బాది ఆకట్టుకున్నాడు. టీమిండియా స్కోరు 5 ఓవర్లలో 60 పరుగులు వద్ద ఉన్న సమయంలో సంజు 23 బంతుల్లో 56 రన్స్ చేసి పెవిలియన్ చేరాడు.
రోస్టన్ చేజ్, షమర్ జోసెఫ్‌లకు చుక్కలు చూపించిన సంజు:
* టార్గెట్ కోసం ఇన్నింగ్స్ ప్రారంభించిన సంజు శాంసన్, ఎదుర్కొన్న మొదటి బంతికే రోస్టన్ చేజ్ బౌలింగ్‌లో బౌండరీ బాది తన ఉద్దేశాన్ని స్పష్టం చేశాడు.
* ఒకే ఓవర్లో 25 రన్స్: ఇన్నింగ్స్ 3వ ఓవర్లో రోస్టన్ చేజ్‌ను టార్గెట్ చేసిన శాంసన్ సిక్సర్లు, ఫోర్ల వర్షం కురిపించి ఏకంగా 25 పరుగులు పిండుకున్నాడు. దీంతో భారత స్కోరు 3వ ఓవర్లోనే 50 మార్కును అందుకుంది.
* కెరీర్‌లో జాయింట్ ఫాస్టెస్ట్ హాఫ్ సెంచరీ: కేవలం 20 బంతుల్లోనే శాంసన్ తన అర్ధశతకాన్ని పూర్తి చేసుకున్నాడు. గతనెలలో ఆఫ్ఘనిస్థాన్‌పై చేసిన 20 బంతుల హాఫ్ సెంచరీ రికార్డును మళ్ళీ ఇక్కడ సమం చేశాడు.
టీ20 అంతర్జాతీయ క్రికెట్‌లో 100 సిక్సర్ల రికార్డు:
* విండీస్ స్టార్ బౌలర్ షమర్ జోసెఫ్ (Shamar Joseph) బౌలింగ్‌లో వరుసగా రెండు భారీ సిక్సర్లు బాదిన సంజు శాంసన్, అంతర్జాతీయ టీ20ల్లో ఒక అరుదైన మైలురాయిని చేరుకున్నాడు.
* టీ20 అంతర్జాతీయ మ్యాచ్‌లలో 100 సిక్సర్లు పూర్తి చేసుకున్న 6వ భారత బ్యాటర్‌గా శాంసన్ రికార్డు సృష్టించాడు.
* ఇప్పటి వరకు భారత్ తరఫున రోహిత్ శర్మ, సూర్యకుమార్ యాదవ్, అభిషేక్ శర్మ, హార్దిక్ పాండ్యా, విరాట్ కోహ్లీ మాత్రమే ఈ మైలురాయిని అందుకున్నారు. ఇప్పుడు వారందరి సరసన సంజు శాంసన్ కూడా నిలిచాడు.
2️⃣0️⃣-ball FIFTY 🫡 @IamSanjuSamson is lighting up Hyderabad tonight 🔥 Updates ▶️ https://t.co/ksuQbTW6n5 #TeamIndia | #INDvWI | @mflone_ https://t.co/mcJm76yRnF
— BCCI (@BCCI) October 14, 2026
1️⃣0️⃣0️⃣ T20I Sixes & counting for Chetta! 🚀 Two consecutive maximums by #SanjuSamson, including sending a 149 KPH delivery soaring into the stands! 🤯 #INDvWI 4th T20I | LIVE NOW 👉 https://t.co/u6TUkXnpvZ https://t.co/C0PbcOvSIf
— Star Sports (@StarSportsIndia) October 14, 2026