ప్రస్తుతం బయట ఎండలు మండిపోతున్నాయి. పొద్దున ఏడు గంటల నుంచే సూర్యుడు నిప్పుల కొలిమిలా మారుతున్నాడు. ఈ ఎండ వేడికి, ఉక్కపోతకు తట్టుకోలేక చాలా మంది ఇళ్లలో ఏసీలను ఫుల్లుగా వాడేస్తున్నారు. అయితే, చాలా మంది ఇళ్లలో ఒక వింత అలవాటు కనిపిస్తుంది. గది కొంచెం చల్లబడగానే చలిగా ఉందంటూ ఏసీని ఆపేస్తారు. మళ్లీ రెండు నిమిషాలకే వేడి అనిపించగానే ఆన్ చేస్తారు. ఇలా చేయడం వల్ల ఎంత పెద్ద నష్టమో తెలుసా?
కరెంట్ బిల్లు ఊహించని విధంగా పెరుగుతుంది: చాలా మంది ఏసీని మధ్యమధ్యలో ఆపేస్తే కరెంట్ బిల్లు ఆదా అవుతుందని అనుకుంటారు. కానీ అది ముమ్మాటికీ తప్పని నిపుణులు చెబుతున్నారు. ఇక ఏసీని ఆపేసి మళ్లీ ఆన్ చేసిన ప్రతిసారీ, గదిని తిరిగి చల్లబరచడానికి ఏసీ మోటార్ చాలా ఎక్కువ శక్తిని ఉపయోగించాల్సి వస్తుంది. ఇక దీనివల్ల విద్యుత్ వినియోగం గణనీయంగా పెరిగి, మీ నెలవారీ కరెంట్ బిల్లు భారీగా వస్తుంది.
కంప్రెసర్పై విపరీతమైన ఒత్తిడి: ఏసీని పదే పదే ఆపడం, నడపడం వల్ల దాని గుండె లాంటి ప్రధాన భాగమైన కంప్రెసర్పై విపరీతమైన ఒత్తిడి పడుతుంది. ఇక ప్రతి రెండు నిమిషాలకు ఒకసారి ఆన్, ఆఫ్ చేయడం వల్ల కంప్రెసర్ ఓవర్ హీటింగ్ సమస్యకు దారితీస్తుంది. దీనివల్ల ఏసీ జీవితకాలం తగ్గిపోయి, త్వరగా పాడైపోయే ప్రమాదం ఉంది.
జేబుకు భారీగా రిపేర్ ఖర్చులు: కంప్రెసర్ ఒత్తిడికి గురై పాడైపోతే, దాన్ని బాగు చేయించడానికి లేదా కొత్తది వేయించడానికి వేల రూపాయల ఖర్చు అవుతుంది. అంటే, కరెంట్ బిల్లు ఆదా చేద్దామని మనం చేసే ఈ చిన్న పొరపాటు.. అటు బిల్లు పెరగడానికి, ఇటు ఏసీ రిపేర్ ఖర్చులకు దారితీసి జేబుకు పెద్ద చిల్లు పెడుతుంది.
ఏసీని ఎలా వాడితే మంచిది?: ఏసీని పదే పదే ఆన్, ఆఫ్ చేయడానికి బదులుగా.. రూమ్ టెంపరేచర్ను 24 డిగ్రీలు లేదా 25 డిగ్రీల వద్ద స్థిరంగా సెట్ చేసుకోవడం మంచిది. ఈ టెంపరేచర్ వద్ద గది ప్రశాంతంగా, చల్లగా ఉంటుంది. అలాగే ఏసీపై కూడా ఎలాంటి అదనపు భారం పడదు. దీనివల్ల కరెంట్ బిల్లు కూడా అదుపులో ఉంటుంది.
ఏ వస్తువునైనా సరైన పద్ధతిలో వాడినప్పుడే అది ఎక్కువ కాలం మన్నిక వస్తుంది. వేసవిలో ఏసీ సౌకర్యాన్ని పొందుతూనే, కరెంట్ బిల్లు భారం తగ్గించుకోవాలంటే మీ ఏసీ వాడే పద్ధతిని వెంటనే మార్చుకోండి. స్మార్ట్గా ఆలోచించి డబ్బును, ఏసీని రెండింటినీ కాపాడుకోండి.
గమనిక: ఈ ఆర్టికల్లో అందించిన సమాచారం ఏసీ టెక్నీషియన్లు, నిపుణుల సూచనల ఆధారంగా పాఠకుల అవగాహన కోసం మాత్రమే అందించబడింది.
The post కరెంట్ బిల్లు ఎక్కువగా వస్తుందా?.. AC వాడే పద్ధతి మార్చండి! appeared first on Manalokam – Latest Telugu News & Updates.